Serokê Partiya Demokrat a Kurdistanê (PDK) Mesûd Barzanî bang li partiyên siyasî kir ku piştî cejnan bicivin da ku rewşa siyasî ya li Herêma Kurdistanê çareser bikin û rewşa heyî, ku ew wekî nebaş bi nav dike, bi dawî bînin.

Serokê PDKyê Mesûd Barzanî bi boneya hatina Cejna Qurbanê peyameke pîrozbahiyê weşand.

Mesûd Barzanî bang li gelê Kurd kir ku berjewendiyên xwe yên bilind li ser armanc û berjewendiyên teng deynin û dev ji pevçûn û xweperestiya bêencam berdin ku pêvajoya siyasî ya herêmê pê re rû bi rû maye.

Barzanî bang li partiyên siyasî yên Herêma Kurdistanê kir ku piştî Cejna Qurbanê bicivin da ku rewşa siyasî ya nebaş çareser bikin û vê rewşa siyasî ya nebaş bi dawî bikin.

Barzanî got ku ev gav erkeke wijdanî, neteweyî û niştimanî ye, divê her kes bi hestekî berpirsiyariyê pê re mijûl bibe û vegere ser rêya rast.