Alîkarê Wezîrê Parastinê yê Sûriyeyê yê Herêma Rojhilat Semîr Oso (Sîpan Hemo) serdana Firqeya 60em kir.

Semîr Oso (Sîpan Hemo) li ser hesabên xwe yên medyaya civakî daxuyanî da û behsa serdana xwe ya Firqeya 60em; Lîwayê Qamişloyê kir.

Oso wiha got: "Bi boneya Cejna Qurbanê, me serdana Firqeya 60em - Lîwayê Qamişloyê kir da ku pîrozbahiyê li şervanan bikin."

Oso berdewam kir û got: "Hewildan û fedekariya wan di pêkanîna erkê wan ê neteweyî de hatin nirx dan, her wiha pîrozbahî li efserên lîwayê û hemî endamên Artêşa Sûriyeyê hate kirin."