Li Mêrdînê bi amadebûna bi deh hezaran kesan, konserta Koma Amed hat lidarxistin. Beriya destpêkirina konsertê, Ehmed Turk axivî û got: "Huner û muzîka Kurdî, nasnameya gelê Kurd e."

Şeva bihurî di çarçoveya Şahiyên Buharê de, li navçeya Artuklu li parêzgeha Mêrdînê konserta Koma Amed hat lidarxistin.

Welatiyên navçeyê guhdanekemezin nîşanî konsertê dan û bi deh hezaran kes li qada konsertê amade bûn û ji ber nemana cih jî, gelek kes bi neçarî vegeriyan.

Beriya destpêkirina konsertê, serokê ji erka xwe dûrxistî yê Şaredayiya Bajarê Mezin a Mêrdînê Ehmed Turk axivî û got: "Huner û muzîka Kurdî, nasnameya gelê Kurd e. Stranbêj û çîrokbêjên Kurd welatparêziya xwe parastine û Kurd bi deng û çîrokên xwe, xwe da naskirin û xwedî li paşerojê û aştiyê derketine."

Konserta Koma Amed bi coşeke mezin heta derengî şevê berdewam kir.