Serokê Herêma Kurdistanê Nêçîrvan Barzanî pîrozbahî li Tom Barrack kir ji bo destnîşankirina wî wekî Nûnerê Taybet ê Serokatiyê li Iraqê û hêviya xwe ji serkirdayetiya Barrack di xurtkirina têkiliyên di navbera Iraq, Herêma Kurdistanê û Amerîkayê de anî ziman.

Barzanî li ser hesabê xwe yê Xyê daxuyanî da û wiha nivîsî: "Em pîrozbahiyên xwe yên dilsoz ji Balyoz Tom Barrack re ji bo destnîşankirina wî wekî Nûnerê Taybet ê Serokatiyê li Iraqê pêşkêş dikin."

Pê de çû û got: "Em li hêviya serkirdayetiya wî di xurtkirina têkiliyên di navbera Iraq, Herêma Kurdistanê û Amerîkayê de ne û beşdariya wî di çareserkirina pirsgirêkên ku welat pê re rû bi rû ye. Em di vê mîsyona giring de serkeftinê jê re dixwazin û em piştrast in ku hewldanên wî dê bibin sedema aramiya û hevkariyê."