Serokê Herêma Kurdistanê Nêçîrvan Barzanî ragihand ku Hikûmeta Herêma Kurdistanê pabend e ku bi hikûmeta Iraqê û civaka navneteweyî re bixebite da ku tedbîrên pêwîst ji bo parastina çavkaniyên xwezayî û jîngeheke saxlem bigire.

Serokê Herêma Kurdistanê Nêçîrvan Barzanî bi boneya Roja Cîhanî ya Jîngehê peyamek ji Hikûmeta Herêma Kurdistanê re şand.

Barzanî got: "Parastina jîngehê û çareserkirina encamên guherîna avhewayê ne tenê erkê hikûmetê ye, lê di heman demê de berpirsiyariyeke mezin a neteweyî û mirovî ye jî."

Serokê Herêma Kurdistanê got ku: "Erkê her kesî ye li navendên perwerdehiyê, malbatan, medyayê û saziyan ku bi hev re bixebitin da ku çanda jîngehê belav bikin û gefên li ser xwezaya welêt kêm bikin."

Di peyama xwe de, Nêçîrvan Barzanî got: "Herêma Kurdistanê her gav pabend e ku bi hikûmeta Iraqê û civaka navneteweyî re hevkariyê bike da ku tedbîrên pêwîst ji bo parastina çavkaniyên xwezayî û misogerkirina jîngeheke saxlem û paşerojeke çêtir ji bo nifşên me yên paşerojê bigire."