Wezareta Karên Derve û Koçberan a Sûriyeyê li Dîlokê (Gazîantepê) ya Tirkiyeyê, bi merasîmeke fermî ku Wezîrê Derve Esad Şeybanî serokatiya wê dikir û çend berpirsên hikûmeta Tirkiyeyê jî beşdar bûn, konsulxaneyeke nû li Dîlokê vekir.

Birêvebirê Beşa Konsulxaneyê ya Wezareta Karên Derve ya Sûriyeyê, Mihemed Yaqûb Omer, di hevpeyvînekê ji çapemeniyê re diyar kir ku vekirina Konsulxaneya Giştî ya Sûriyeyê li Dîlokê ji bo pêwîstiya rastîn a nûnertiya konsulxaneyê ye da ku xizmeta bi sed hezaran Sûriyeyên li başûrê Tirkiyeyê dijîn bike.

Wî destnîşan kir ku nêzîkkirina xizmetan ji welatiyan re, kêmkirina barên darayî û demê yên bi rêwîtiyê ve girêdayî, lezandina danûstandinan û dabînkirina hawîrdoreke xizmeta modern li ser bingeha dîjîtalîzekirin û rezervasyona randevûyê ya serhêl armancên sereke yên vekirina Konsulxaneya Sûriyeyê li Dîlokê ne.

Li gorî Omer, Konsulxaneya Sûriyeyê li Dîlokê dê berpirsiyar be ji bo dabînkirina hemî xizmetên bingehîn ên konsulxaneyê yên ku li mîsyonên Sûriyeyê têne pêşkêşkirin, di nav de pasaport, rastkirina belgeyan, meseleyên rewşa sivîl, dozên yasayî yên wekîltiyê û xizmetên din ên konsulxaneyê.