Zanîngeha Kobaniyê Peymana Hevkariya Akademîk û Lêkolînê bi Navenda Lêkolînên Kurdî re îmze kir.

Zanîngeha Kobaniyê ji bo xurtkirina hevkariya zanistî û danûstandina pisporiya akademîk, peymanek hevkariya hevbeş bi Navenda Lêkolînên Kurdî re li Bochuma Almanyayê îmze kir. Armanca peymanê pêşxistina hevkariyên zanistî û lêkolînê di navbera her du saziyan de û piştgirîkirina çalakiyên akademîk ên ku xizmeta xwendina bilind û lêkolînên zanistî dikin.

Hat diyarkirin, peyman hevkariya zêdetir di lêkolîn û xebatên hevbeş de, rêxistinkirina semîner, konferansên zanistî û komxebatan û her wiha danûstandina pisporî û zanînê di navbera lêkolîner û akademîsyenan de destnîşan dike, ku dê beşdarî pêşxistina şiyanên zanistî û lêkolînê yên her du aliyan bibe.

Di merasîma îmzekirinê de, nûnerên her du aliyan girîngiya vê gavê di avakirina pirên hevkariyê di navbera saziyên akademîk û navendên lêkolînê de, piştgirîkirina hilberîna zanîna zanistî û xurtkirina diyaloga akademîk li ser mijarên berjewendiya hevpar de tekez kirin.

Hat ragihandin, ev peyman beşek ji hewldanên Zanîngeha Kobaniyê ye ji bo berfirehkirina tora têkiliyên akademîk û lêkolînê bi saziyên zanistî û navendên lêkolînê re, ku bandorek erênî li ser pêşkeftina perwerdehiyê, lêkolînên zanistî û xizmeta civakê dike.