Li bajarê Stenbolê yê Tirkiyeyê di dawiya vê mehê de civîna parlementoyên welatên NATOyê dê were lidarxistin.

Wiha biryar e di 7 û 8ê meha Tîrmehê de, civîna lutkeyê ya serok û serokwezîrên welatên NATOyê li Enqerê were lidarxistin, lê beriya wê lutkeyê di 28 ê 29ê vê mehê de dê li Stenbolê lutkeyeke din were lidarxistin.

Serokatiya parlementoya Tirkiyeyê di daxuyaniyek de ragihand, civîna lutkeyê ya parlementoyên welatên Natoyê dê li Stenbolê were lidarxistin û dê serokên parlemento û şandeyên parlementoyên 32 welatên NATOyê dê tevlî bibin.

Civîna lutkeyê ya parlementoyên welatên NATOyê dê li KoŞka Dolmabaxçeyê were lidarxistin, ku heta niha du caran hatiye lidarxistin ev lutke dê bibe ya sêyem.

Civîna lutkeyê ya parlementoyên welatên NATOyê bi armanca pêşxistina diyaloga di navbera parlementoyan de tê lidarxistin û tê payin di çarçoveya lutkeyê de Serokomarê Tirkiyeyê Receb Tayyîp Erdogan jî bi nûnerên welatan re bicive.