Hêzên Ewlekariya Hundirîn derbarê kuştina li Dêrika Rojavayê Kurdistanê daxuyanî belav kir.

Di şeva 22ê Hezîranê li bajarê Dêrikê ya Rojavayê Kurdistanê kesekî ku nasnameya wî nediyar e êrişî malbatekê kir. Di êrişa wî de dayik û zarokeke xwe hatin kuştin; bav û zarokeke din jî birîndar bûn. 

Fermandariya Giştî ya Hêzên Ewlekariya Hundirîn, derbarê êrişa li Dêrikê daxuyanî da û got çavdêriya rasterast ji Şaxê Lêpirsîna Tawanan, li ser bûyera ku di 22ê Hezîrana 2026an de li Bajarê Dêrikê çêbû ku tê de jinek û zarokek hatin kuştin û kesekî din jî birîndar bû, şopandiye.

Di daxuyaniyê de wiha hat gotin: Ji ber pirsgirêkên berê yên ku di taxê de rûda bû, Kesê bi navê Şakûhî Xelîl Murad bi çeka xwe rasterast û eşkere gule berda mala welatiyê bi nave “Mihemed Elî Hemed.

Hêzên Ewlekariya Hundirîn da zanîn, ev êrîş bûye sedema mirina jina bi navê Hesna Omer û keça wê a çar salî Nalîn Husam û her wiha hevjînê Hesna Omar, Ehmed Hesam bi giranî birîndar bû û yekser hate veguhestin nexweşxaneya Bajêr ji bû bê derman kirin.

Asayîşê di daxuyaniyê d got, kesê ku êrişî malê kiriye reviyaye û wiha pê de çû: Em di Fermandariya Giştî ya Hêzên Ewlekariya Hundirîn de, piştrast dikin ku hemû hêzên me û yekîneyên xwe, ji kêliyên destpêkê de yê vê sûcê ve rewşa seferberiyê ragihand û ev hewildan heya ku kesê reviyayî neyê girtin û cezayê xwe yê adil nestînin wê ev hewldan neyê sekinandin.