Kameran Osman ragihand, Artêşa Tirkiyeyê bi şeş mercan rê dide welatiyên 9 gundên Zaxoyê ku vegerin sar axa xwe.

Berpirsê Tîmên Aştiya Civakî (CPT) Kameran Osman li ser hesabê xwe yê medyaya civakî belav kir û got, “Niştecihên 21 gundên Zaxoyê hewl didin ku vegerin gundên xwe yên ku ji ber operasyonên artêşa Tirkiyeyê zêdetirî şeş salan hatine valakirin.”

Kameran Osman diyar kir di 26ê Hezîranê de piştî zexteke mezin a gundiyan, artêşa Tirkiyeyê destûr da niştecihên gundên Bazingîra, Gundok, Gewrik, Kirkirank, Petrome, Kelok, Marsîs, Alanş û Ere yên li Geliyê Pisaxa yên Zaxoyê ku vegerin gundên xwe.”

Kameran Osman mercên Artêşa Tirkiyeyê wiha rêz kirin: 

• Gundî dikarin rojane ji saet 6ê sibê heta 7ê êvarê biçin gundên xwe û piştî saet 7ê êvarê kes nikare li gund bimîne.
• Destûr nayê dayîn ku gundî çek an amûrên birrînê hilgirin. Heta çekên nêçîrê jî.
• Gundî tenê dikarin xwarina rojekê bibin gund û destûr nayê dayîn ku ji xwarina rojekê zêdetir bînin.
• Dema ku ji xala kontrolê ya Tirkiyeyê derbas dibin, hemû rêwî dê werin naskirin û nav, navnîşan û agahiyên wan ên kesane dê werin tomar kirin.
• Ajokarê otomobîlê dê berpirsiyarê vegera hemû rêwiyan di êvarê de be û heke rêwî venegerin, ajokar dê ji hêla leşkerên Tirkiyeyê ve were girtin.
• Leşkerên Tirkiyeyê li tomarên dîjîtal ên ajansên ewlehiyê yên xwe digerin da ku paşxaneya gundiyên ku ew digirin, heke di demên berê de bi alîkariya gerîlayan werin tawanbar kirin.

Her wiha di dîmenan de bermahiyên şerên di hundurê malên gundiyên Marsîsê de nîşan didin.