Paytexta Tirkiyeyê xwe ji bo yek ji mezintirîn civînên navneteweyî amade dike; tê payîn ku bi dehan serokkomar û bi sedan wezîr di rojên pêş de ji bo lûtkeya NATOyê bicivin.

Di 7 û 8ê Tîrmehê de, lûtkeya NATOyê dê li Enqereyê were lidarxistin. Li gorî daxuyaniyekê ji Nivîsgeha Ragihandinê ya Serokkomariyê, serokkomar û serokwezîrên 32 welatan, tevî Serokê Amerîkayê Donald Trump, dê beşdarî lûtkeyê bibin. 100 wezîr û nûnerên bi dehan saziyên navneteweyî yên mezin dê beşdarî civînê bibin.

Tirkiyeyê sê balafirgeh ji bo pêşwazîkirina mêvanên payebilind veqetandiye. Nêzîkî 3,000 rojnamevan dê li Enqereyê amade bin da ku lûtkeyê veguhezînin. Lûtke dê ji 18 cihên cûda bi rêya 96 kamerayan were weşandin û 100 cihên taybetî ji bo weşana zindî hatine peyda kirin. Di hundirê avahiya serokkomariyê de, 1,800 cih ji bo veguheztinê û 40 ode ji bo montajê hatine amadekirin.

Tirkiye dê 56,288 karmendên ewlehiyê ji bo parastina ewlehiya lûtkeyê bi cih bike. Ew hêz ji 48,841 karmendên ewlehiyê, 7,447 karmendên jendermeyan û 639 karmendên elektronîk û teknîkî pêk tê.