Ji bo mazûvaniya serokên NATOyê, Tirkiyeyê 250 milyon dolar ji bo nûjenkirina balafirgeh û rêyên Enqerê xerc kiriye.

Mesref ne tenê binesaziyê, lêçûnên ewlehiyê û rojên civînan vedihewîne.

Budçeya ji bo binesaziya Enqereyê hatî veqetandin

Medyaya Tirkî ragihand ku 11 milyar û 579 milyon û 319 hezar lîre ji bo nûjenkirina balafirgeha Etimesgut, çêkirina rêyan û keskkirina jîngehê hatine xerckirin. Ev rêje nêzîkî 247 milyon û 315 hezar û 600 dolar e, ku ev çend meh in ji bo amadekariya pêşwazîkirina serokên NATOyê hatiye veqetandin.

Hûrgiliyên nûjenkirina balafirgeh û rêyan

Ji pereyê ku ji bo binesaziyê hatiye xerckirin, 118.218 milyon dolar ji bo nûjenkirina Balafirgeha Etimesgut a Enqerê hatiye veqetandin. 84.821 milyon dolar jî ji bo nûjenkirina otobanan hatiye veqetandin. Di heman demê de, 1.494 milyon dolar ji bo keskkirina rêyan û deverên ku wesayîtên serokên NATO û mêvanên din derbas dibin hatiye xerckirin.

Mesrefên ku di budceyê de nehatine hesibandin

Medyaya Tirkiyeyê got ku mesref tenê ji bo amadekirina binesaziya pêwîst ji bo lûtkeyê bû. Budce mesrefên rojên civînan ku ewlehî, xwarin, sotemenî û karên din ên lojîstîkî dihewîne, nagire nav xwe. Mesrefa ewlehiya lûtkeyê û rojên civînan ji hev cuda hatine veqetandin û di vê hejmarê de nehatine hesibandin.