Serokê Parlamentoya Îranê Mihemed Qalîbaf roja Yekşemê got ku serdema peymanên yekalî bi dawî bûye û got, "an pabendî sozên xwe bin an jî bedela nepabendbûnê bidin."

Qalîbaf li ser hesabê xwe yê Xyê daxuyanî da û got: "Serdema peymanên yekalî bi dawî bûye. Me ji we re got; pabendî sozên xwe bin, an jî hûn ê bedela wê bidin. Niha divê hûn bi vê rastiyê re rû bi rû bimînin."

Qalîbaf her wiha beşek ji madeya 5an a peymanê ya 14 madeyan di daxuyaniya xwe de bi kar anî, ku li gorî "birêûpêkkirina Îranê" vekirina Tengava Hurmuzê destnîşan dike.

Ev yek di demekê de tê ku Supayên Şoreşê yên Îranê û artêşê îro ragihandin ku wan êrişên mûşekî û dronan li dijî çend cih û baregehên Amerîkayî li Îmaratê, Qeter, Kiwêt, Behreyn, Urdun û Omanê kirine.

Artêşa Amerîkayê ragihand ku pêleke nû ya êrişan li ser Îranê bi dawî kiriye, ku bûye sêyem car vê hefteyê êriş dike.