Lindsey Graham, senatorekî Komarî yê navdar û yek ji dengên herî bibandor di siyaseta derve ya Amerîkayê de, piştî dîrokeke dirêj a xizmeta leşkerî û siyasî koça dawî kir.

Lindsay Graham di sala 1955an de li Karolînaya Başûr ji dayik bû. Dê û bavê wî xwaringehek û saloneke bilyardoyê bi rê ve dibirin û ew di malbata xwe de yekem kes bû ku bawernameya zanîngehê wergirt. Ew di sala 1994an de ji bo Encûmena Nûneran hate hilbijartin û ji wê demê ve bû yekem Komarî ku di wê herêmê de bi ser ket. Ew ji sala 2002an heta mirina xwe di Senatoyê de senator ma.

Di sala 1995an de, ew tev li Hêzên Rezerv ên Hêza Hewayî ya Amerîkayê bû. Di dema operasyonên leşkerî yên Amerîkayê li Iraq û Afganistanê de, wî ezmûna xwe wekî pisporek di yasaya leşkerî de bi kar anî. Graham di sala 2015an de, piştî 33 salan xizmeta bi cilên leşkerî, ji Hêzên Rezerv ên Hêza Hewayî erka wî temam bû.

Graham her tim wekî kesayetekî radîkal ê siyaseta derve xuya dikir ku banga roleke xurt a Amerîkayê li derveyî welêt dikir. Ew piştgirekî tund ê Îsraîl û Ukraynayê bû û bi rêkûpêk daxwaza bikaranîna hêza leşkerî dikir dema ku wî bawer dikir ku berjewendiyên Amerîkayê di bin gefê de ne. Di sala 2016an de, wî ji bo demeke kurt ji bo hilbijartinên serokatiya Amerîkayê namzet bû.

Di mehên dawî yên jiyana xwe de, Graham yek ji piştgirên sereke yên Kurdên Rojavayê Kurdistanê bû. Di Kanûna 2026an de, wî pêşnûmeyek bi navê "Yasaya Parastina Kurdan" pêşkêş kir da ku sizayan li ser her kesê ku gefê li deverên Kurdî dixwe bisepîne. Wî hişyarî da ku hiştina Kurdan, wekî hevalbendê sereke yê Amerîkayê di têkbirina DAIŞê de, dê zirarê bide baweriya Washingtonê û banga tedbîrên tund kir da ku wan li herêmê biparêze.

Lindsay Graham piştî nexweşiyeke kurt ji nişkan ve, koça dawî kir. Ji bo rêzgirtina li meqam û xebata wî, alên li Avahiya Kapîtolê (Kongre) nîvco hatin danîn. Tê payîn ku merasîma cenazeyê wî di rojên pêş de were lidarxistin.