Yekîneyên endezyariyê yên Artêşa Tirkiyeyê, bi hevrêziya Wezareta Parastinê ya Sûriyeyê, pireke leşkerî li Dêrazorê li ser Çemê Firatê bi cih kir. 

Yekîneyên endezyariya leşkerî ya hevbeş wek bersivekê ji bo kirîzeke mirovî û xizmetguzariyê ya giran li parêzgehê hat, ku piştî herifîna pira axê ya berê ya demkî ji ber bilinbûna ava Çemê Firatê. Vê hilweşînê bi hezaran sivîl ji hev veqetandin û damareke giring ji bo jiyana rojane û bazarganiyê birî û niştecihan neçar kir ku ferîbotên çem û qeyikên bidestçêkirî bi kar bînin.

Li ser bingeha nirxandina pêdiviyên lezgîn, Wezareta Parastinê ya Sûriyeyê piştgiriya teknîkî xwest û Wezareta Parastinê ya Tirkiyeyê, bi rêya Wezîrê xwe Yaşar Guler, bi dabînkirina pireke leşkerî ya çêkirî li Tirkiyeyê, rasterast daxwaz bi cih anî.

Bicihkirina pira leşkerî hefteyeke berdewam ji kar xwest. Dirêjahiya giştî ya pira avê, piştî sazkirina wê, giha 240 metreyan. Pir bi şiyanên leşkerî û endezyariya pisporane hatiye sêwirandin da ku trafîka zêde û bar hilgire.

Piştî bicihkirina wê temam bû, 48 saetan kete bin taqîkirinê de da ku aramiya wê û derbasbûna li ser bi ewle misoger bibe.

Piştî taqiyê, pir bi fermî ji bo tevgera mirovan, kelûpelan û tirimbêlan hate vekirin, ku zehmetiyên rojane yên ku niştecihan pê re rû bi rû dimînin bi dawî kir û gihana wan a navenda bajêr hêsan kir.