Li Şingalê konferansa “Jenosîd û Entegrasyona Demokratîk” bi rê ve diçe.

Li Şingalê bi dirûşma “Edaleta veguhêz wê bibe bingeha entegrasyona demokratîk” konferans tê lidarxistin.

Rewşenbîr, siyasetmedar, nûnerên partiyên siyasî û kesayetiyên olî jî di nav de nêzî 200 kes beşdarî konferansê bûn.

Hevserokê Encûmena Gel a Şingalê Azad Hisên û Hevseroka KNKyê Zeynep Murad di konferansê de axivîn û bal kişandin li ser giringiya konferansê.

Di konferansê de sê panelên sereke hatin diyarkirin:

Panela 1: Rastiya Fermanê

Heso Birahîm: Ferman di dîrokê de.
Sara Şingalî (Endama Akademiya Jineolojî): Ferman û Jin.
Eldîn Qûlo (Rewşenbîr û Nivîskar): Bandora fermanan li ser çandê.

Panela 2: Jenosîda 2014an û Lêgerîna Edaletê

Nasir Kirêt (Şêwirmendê Parlementoya Başûrê Kurdistanê): Qanûna Jenosîda Navnetewî û sedemên ne tevlîbûna Iraqê ya deklarasyona Romayê.

Xeyrî Elî Îbrahîm (Serokê Rêxistina Petrichor): Rewşa gorên komî, belgeyên hovîtiya DAIŞ’ê û mafê malbatên qurbaniyan.

Samya Şingalî (Rojnamevan): Bandorên jenosîdê li ser psîkolojiya civaka êzidî.
Xelef Qasim (Hiqûqnas): Qirkirina êzidiyan di navbera xemsariya navxweyî û naskirina navdewletî de.

Panela 3: Entegrasyona Demokratîk

Kendal Şengalî (Endamê Akademiya Zanista Civakî ya Abdullah Ocalan): Entegrasyon, dewlet û civaka demokratîk.

Besê Şingalî (Cîgira Hevserokatiya Meclîsa Gel a Şingalê): Di entegrasyona demokratîk de rola jinê.

Xwedêda Elyas (Hevserokê Komînên Şaredariyan): Demokrasiya xwecihî.