Şandeya DEM Partiyê li Parlamentoya Tirkiyeyê bi Serokê Giştî yê MHPyê Devlet Bahçelî re civiya.

Endamên Şandeya Îmraliyê ya DEM Partiyê Pervîn Buldan û Mîthat Sancar li Parlamentoya Tirkiyeyê bi Serokê Giştî yê MHPyê Devlet Bahçelî re civiyan.

Civîna herdu aliyan di demjimêr 12:00an de li jûra Serokê MHPyê ya li Parlamentoya Tirkiyeyê dest pê kir.

Tê pêşbinîkirin, rojeva civînê pêvajoya çareseriyê û yasaya çarçoveyê ye.

Şandeya Îmraliyê ya DEM Partiyê duh şev bi Serokwekîlê Giştî yê AK Partiyê Efkan Ala û Serokê Koma AK Partiyê Abdullah Guler re civiyan.

DEM Partî hewl dide beriya ku parlamento bikeve bêhnvedanê yasaya ji bo pêvajoyê were parlamentoyê.