Hin êlên Ereban "Konên Şer" vedane û hewl didin aştiya civakî têk bibin, Hikûmeta Sûriyeyê rê li ber digire û Êlên Kurdan daxuyaniyan li ser didin.

Herêma Cizîrê (bajarên Hesekê û Qamişloyê) di Tîrmeha 2026an de rûbirûyî rewşeke aloz û metirsîdar bûye, piştî ku hin êlên Ereban "Konên Şer" vedan û li dijî Hêzên Sûriyeya Demokratîk (HSD) û Kurdan banga seferberiya giştî kirin.

Ev alozî ji ber nerazîbûna êlan li ser dabeşkirina postên birêveberiyê û derengketina cihbicihkirina peymana entegrasyonê derketiye. Êl daxwaza radestkirina birêveberî û bîrên petrolê bo hikûmeta Sûriyeyê dikin.

Di heman demê de, hikûmeta Sûriyeyê bi rêya Biryarnameya Hejmar 13 mafên Kurdan misoger dike û hewl dide rewşê aram bike.

Li aliyê din, êl û hêzên Kurdî banga şer pesend nakin û naxwazin ku Kurd û Ereb bibin dijminê hev, lê di heman demê de tekez dikin ku parastina hemwelatiyên Kurd ji bo her êlekê "mafekî rewa ye da ku rê li ber fitne û têkbirina aştiya civakî bigirin.