Nûçegihîna KANAL8ê li Enqereyê Sîdar Basut, xalên ku ji raya giştî re hatine ragihandin veguhest.

Xalên der barê Pêvajoya Çareseriyê ku ji raya giştî re hatine ragihandin (pêşniyazkirin) ev in:

• Yasaya Çarçoveyê vê hefteyê li Parlamentoyê tê pêşberî Komisyona Dadê.
• Rêzikname dê ji 15 xalan pêk bê.
• Tê hêvîkirin ku dema danîna çekan û vegerê; 6 meh an jî 1 sal be.
• Sûdwergirtina ji yasayê wê bi merc be; ew merc jî ev e, bê qeyd û merc divê çek bên danîn.
• Endamên PKKyê yên ku tev li ti sûcan nebûne, wê ji xalên poşmaniya çalak a Yasaya Sizayê ya Tirkiyeyê (TCK) sûd werbigirin.
• Dosyayên kesên ku tev li sûcan bûne, dê yek bi yek ji aliyê dadgehan ve (Dadgehên Sezayê Giran ên Enqereyê) werin lêkolînkirin.
• Abdullah Ocalan û kadroya birêveberiya PKKyê nikarin ji vê yasayê sûd werbigirin.
• Ji bo endamên PKKyê yên ku dixwazin vegerin Tirkiyeyê, wê mercê kontrola dadî ya 3 an 5 salan were sepandin.
• Kesên ku sizayê girtina hetahetayê û giran girtine, wê li derveyî vê çarçoveyê bimînin.
• Kesên ku di dema diyarkirî de çekan daneyînin û xwe radest nekin, dê mafê xwe winda bikin. (Tê gotin ku ev dem 6 meh an jî 1 sal e. Lê belê bi biryara Serokkomariyê ev dem dikare were dirêjkirin).
• Herî kêm 5 salan destûr nayê dayîn ku ew di saziyên giştî (dewletê) de bixebitin û siyasetê bikin.