Hevrêziya aboriya di navbera Tirkiye û Sûriyeyê de zêde bûye. Hinardekirina ji Tirkiyeyê bo Sûriyeyê di şeş mehan de gihîşt 1.3 milyar dolarî.

Piştî hilweşîna rejîma Beşar Esed li Sûriyeyê, hevrêziya di navbera Enqere û Şamê de li piraniya deveran sal bi sal zêde bûye. Hinardekirina ji Tirkiyeyê bo Sûriyeyê îsal li gorî sala borî bi kêmî ve ji sedî 26 zêde bûye.

Li gorî Encumena Hinardekarên Tirkiyeyê, di şeş mehên pêşîn ên îsal de 3 milyon û 182 hezar û 61 ton kelûpel ji Sûriyeyê re hatine hinardekirin ku ev li gorî heman serdema sala bihurî ji sedî 36.6 zêde bûye.

Hinardekirina Tirkiyeyê bo Sûriyeyê di navbera Kanûn û Hezîrana 2026an de li gorî heman serdema sala bihurî ji sedî 26.4 zêde bûye û gihîştiye 1.284 milyar dolarî.

Piraniya hinardekirina bo Sûriyeyê di berhemên genim û nan de bi bihayê 103.879 milyon dolarî bû. Çîmento bi 102.256 milyon dolarî, dû re jî elektrîk û berhemên enerjiyê bi 80.107 milyon dolarî hatin.

Zêdebûna herî mezin di hinardekirina çîmentoyê de bû ku rêjeya wê %116.8 bû.

Parçeya parêzgehên Bakurê Kurdistanê di hinardekirina bo Sûriyeyê de bi qasî 461 milyon û 823 hezar dolar tê pêşbinîkirin.

Hinardekirina ji Bakurê Kurdistanê di nîvê yekem ê vê salê de li gorî heman serdema sala bihurî %34.6 û biha %11.4 zêde bû.