Berdevkê AK Partiyê Ömer Çelik, tekezî li ser lihevkirina di xebata berdewam a ji bo serdema nû de kir û got, “Ne dema axaftinê ya bi destên girtî ye, dema axaftinê ya dest dayîna hev e.”

Berdevkê AK Partiyê Omer Çelîk beriya civîna Lijneya Rêveberiya Navendî (MYK) daxuyaniyên girîng da, bi taybetî di derbarê pêvajoya çareseriyê û Qanûna Çarçove de.

Çelîk, bal kişand ser girîngiya lihevkirinek xurt ji bo damezrandina çarçoveya yasayî û diyar kir ku ger ev lihevkirin pêk were, Tirkiye dê bikeve serdemeke dîrokî ya nû. ÇelÎk got, “Ger em bikaribin bi destgirtinê di xala ku em îro gihîştine de lihevkirinek xurt ji bo afirandina çarçoveya yasayî bi dest bixin, em ê sibê derfet bibînin ku mil bi mil ber bi asoyên nû yên dîrokê ve biçin.”

Çelîk, diyar kir ku lihevkirin hewce ye ku li seranserê Tirkiyeyê, di parlamentoyê de û di gelek qadên sivîl û siyasî de were saz kirin û got ku ev ê bibe destpêka pêvajoya dîrokî ya li pêş.

Çelîk da zanîn amadekariyên ji bo vîzyona Tirkiyeya nû bi tundî berdewam dikin û ew hema hema her roj civînên bi saetan didomînin, carinan jî rojê du caran dicivin.

Çelik got, “Hêvîdar im ku em ê berî ku parlamento bikeve bêhnvedanê çarçoveya qanûnî saz bikin” û got ku armanc ew e ku xebata li ser rêziknameya qanûnî di demek kurt de biqede.