Hikûmeta Tirkiyê bi serokatiya Erdogan bicive. Yek ji mijarên ku tên gotûbêjkirin, serdana Wezîrê Berevaniya Tirkiyê bo Herêma Kurdistanê û Iraqê ye.

Civîn îro duşemê demjimêr di 14:00 de li Enqereyê bi serokatiya Serokkomarê Tirkiyê-Receb Erdogan destpêkir.

Li gorî medyaya Tirkiyê, di civîna civata wezîran de dê çend mijarên navxweyî yên weke bilindbûna enflasyonê û pêkanîna mekanîzmayên guncaw ji bo kêmkirina wê bên gotûbêjkirin.

Derbarê siyaseta derve, dê li ser çendîn mijarên balkêş biaxivin, bi taybetî serdana Wezîrê Berevaniya Tirkiyê ji bo Herêma Kurdistanê û Iraqê.

Wezîrê Berevaniya Tirkiyê-Yeşar Gûler û Serokê Erkana Giştî-Matîn Gurak roja 6ê Sibata 2024ê piştî ku ligel Serokwezîrê Iraqê Mihemed Şiya Sûdanî, Serokomarê Iraqê-Letîf Reşîd û Şêwirmendê Ewlekariya Netewî ya Iraqê-Qasim El-Eracî hevdîtin pêk anîn, gihîştin Hewlêrê.

Wezîrê Berevaniya Tirkiyê roja 7ê sibatê li Hewlêrê bi Serokê Herêma Kurdistan-Nêçîrvan Barzanî, Serokwezîr-Mesrûr Barzanî û bi Cîgirê Serokwezîr-Qubad Talebanî  û Serokê PDK-Mesûd  Barzanî re civiya.

Di civînê de serdana Erdogan ji bo Misirê û kirîna balafirên şer ên F-16 ji Amerîkayê jî tê gotûbêjkirin. Biryar e Erdogan di 14ê vê mehê de serdana Misrê bike.

Tê zanîn ku Erdogan piştî civîna lijneya wezîran dê civîneke çapemeniyê lidarbixe û biryarên civînê eşkere bike.