پووختەی هەواڵەکە

• مەسرور بارزانی پیرۆزبایی لە دەستەی سەرۆکایەتی پەرلەمان دەکات.

• مەسرور بارزانی دەشڵێت، کاراکردنەوەی پەرلەمان، پابەندبوونە بە جێبەجێکردنی پرۆسەی دیموکراسی.

مەسرور بارزانی سەرۆکی حکومەتی هەرێمی کوردستان بەبۆنەی کۆبوونەکەوەی ئەمڕۆی پەرلەمانەوە پیرۆزبایی دەکات و دەڵێت، “هیوادارم لە ڕۆژانی داهاتوودا، ئەندام پەرلەمانەکانی تریش، بەشداریی کۆبوونەوەکانی پەرلەمان بکەن”

ڕاگەیێنراوەکەی سەرۆکی حکومەتی هەرێمی کوردستان:

• پیرۆزباییەکی گەرم لە سەرۆکی هەڵبژێردراوی خولی شەشەمی پەرلەمانی کوردستان و جێگر و سکرتێری پەرلەمان دەکەم.

• پیرۆزبایی و دەستخۆشی لە ئەندام پەرلەمانە نیشتمانپەروەر و تێکۆشەر و چاونەترس و خەمخۆرەکانی هەرێمی کوردستان دەکەم بۆ پارێزگاریکردن لە شەرعیەت و کاراکردنەوەی پەرلەمانی هەرێمی کوردستان.

• بڕیاری ئەمڕۆی ئێوە، وەفادارییە بۆ خوێنی شەهیدان و ویستی دەنگدەران و ئەم هەنگاوە، سەرخستنی ئیرادەی خەڵکی کوردستانە.

• کاراکردنەوەی پەرلەمان، پابەندبوون و پێداگیریکردنە لە جێبەجێکردنی پرۆسەی دیموکراسی.

• هیوادارم لە ڕۆژانی داهاتوودا، ئەندام پەرلەمانەکانی تریش، بەشداریی کۆبوونەوەکانی پەرلەمان بکەن.

• داوا لە گشت لایەنەکان دەکەم، لە پێناو بەرژەوەندیی نیشتیمانی، بێنە پێشەوە، بۆ ئەوەی پێکەوە، خزمەتێکی شایستەتری گەل و نیشتمانمان بکەین و دەسکەوتە دەستوورییەکانمان بپارێزین.