پووختەى هەواڵ

• ڕۆژى 10ـى مانگ تەرمى ئەحمەد عەلوانى لە بەیرووت دۆزرایەوە.

• عەلوانى یەکێک لە کەسایەتییە دیارەکانى سوننە بوو.

• لەگەڵ مالیکى ناکۆکى توندى هەبوو، نزیکەى 12 ساڵ لە عێراق زیندانی کرا بوو.

بۆ دڵنیابوونەوە و ناسینەوەی تەرمەکەی، کوڕی ئەحمەد عەلوانی، پەرلەمانتاری پێشووتری سوننەکان، گەیشتە باڵیۆزخانەی عێراق لە لوبنان بۆ پشکنینی دی ئێن ئەی و بەراوردکردنیان لەگەڵ یەکدی.

باڵیۆزخانەی عێراق لە لوبنان:

• محەممەد ڕەزا باڵیۆزی عێراق لە لوبنان پێشوازی لە تەلحە عەلوانی کوڕی ئەحمەد عەلوانی و کەسوکارەکەی کردووە.

• دواتر دەست بە پشکنینە سەرەتاییەکان دەکرێت.

• هەماهەنگیی بەردەوام هەیە بۆ چارەسەرکردنی ئەو پرسە لەنێوان باڵیۆزخانە و دەزگا ئەمنییەکانی لوبنان لەبارەی ئەو تەرمە و لێکۆڵینەوەکان و دۆزینەوەی تاوانباران.

ڕۆژی 10ـی تشرینی دووەمی 2026 هێزە ئەمنییەکانی لوبنان تەرمێکیان لە شوقەیەکی نیشتەجێبوون لە ناوچەی "تەریق ئەلجەدیدە" لە بەیرووت دۆزیوەتەوە و ڕاگەیێنرا کە تەرمی ئەحمەد عەلوانییە.

زانیاریى لەبارەى ڕووداوەکەوە لەم لینکەکەدایە

تەرمی پەرلەمانتارێکی پێشووتری سوننەکان لە شوقەیەک لە بەیرووت دۆزرایەوە