پووختەى هەواڵ

• سەرۆککۆمارى عێراق یەکێکە لە بەشدارانى لوتکەى کۆپ31.

• لە پەراوێزى لوتکەکەدا لەگەڵ چەندین سەرۆک و سەرۆکوەزیرانى وڵاتان کۆبووەوە.

• عێراق و پاکستان لە ململانێى ئەمریکا و ئێراندا بێلایەنی و نێوەندگیرییان هەڵبژارد.

نووسینگەی ڕاگەیاندنی سەرۆکایەتیی کۆمار بڵاویکردەوە، نزار ئامێدی و شەهباز شەریف، سەرۆکوەزیرانی پاکستان گفتوگۆیان لەبارەی پەیوەندییە دوو قۆڵییەکانی عێراق و پاکستان و فراوانکردنی پەیوەندییەکانیان لە بوارە جیاوازەکان کردووە.

نووسینگەی ڕاگەیاندنی سەرۆکایەتیی کۆمار:

• نزار ئامێدی ستایشی ڕۆڵی پاکستانی لە نێوەندگیریکردنی ئێران و ئەمریکا کردووە.

• هەوڵەکانی ئیسلامئابادی بۆ کۆتاییهاتنی ململانێ و گرژییەکان بەرز نرخاندووە.

• گفتوگۆیان لەسەر کارنامەی لوتکەی ژینگە کردووە، هەوڵە نێودەوڵەتییەکانی بەرەنگاربوونەوەی گۆڕانکارییە ژینگەییەکان بەرز نرخاندووە.

سەرۆکوەزیرانی پاکستان، ڕۆڵی عێراقی بۆ گفتوگۆکردن و پیادەکردنی چارەسەری دیپلۆماسی بەرزنرخاندووە داوایکردووە هەماهەنگی و گفتوگۆکانیان لەسەر پرسە هەرێمایەتی و نێودەوڵەتیەکان بەردەوام بێت.

زانیاریى زیاتر بۆ تۆ:

نزار ئامێدى بەشداری لە کۆنفرانسی کەشوهەوای نەتەوەیەکگرتووەکان لە تورکیا دەکات