رێبەر ئەحمەد، وەزیرى ناوخۆى حکومەتى هەرێمى کوردستان، لە کۆنفرانسێکى رۆژنامەوانیدا رایگەیاند، شنگال بەشێکی دانەبڕاوە لە هەرێمی کوردستان.

راشیگەیاند، "جێگەی داخە رێککەوتنی شنگال تاوەکو ئێستا جێبەجێنەکراوە و هۆکارەکەش حکومەتی فیدراڵە".

وەزیرى ناوخۆ باسى لەوەشکرد، پێویستە دادگایەکى تایبەت هەبێت تاوەکو سزاى چەکدارانی داعش بدات و مافى ئێزیدییەکان بپارێزرێت.

رێبەر ئەحمەد: دەزانین درۆنەکان لەکوێ دروستدەکرێن و لەکوێوە هەڵدەدرێن

هەروەها رێبەر ئەحمەد، وەزیرى ناوخۆى حکومەتى هەرێمى کوردستان لەبارەی هێرشە درۆنییەکانەوە رایگەیاند، دەزانن درۆنەکان لەکوێ دروستدەکرێن و لەکوێوە هەڵدەدرێن.

گوتیشى، "بۆ ئەوان و عێراقیش دیارە، کە ئەو جۆرە درۆنانە هی کێن".

لەماوەی رابردوودا بە زیاتر لە 60 درۆن، کێڵگە نەوتییەکانی هەرێمی کوردستان کرانە ئامانج و بۆردوومانکران.