مەسعود بارزانی و قاسم عەبودی ڕاوێژکاری ئاسایشی نەتەوەیی عێراق کۆبوونەوە
پووختەی هەواڵەکە:
- تاوتوێکردنی پێشهاتەکان و هەماهەنگی لە پارێزراوی سنورەکان
- پتەوکردنی هەماهەنگی ئەمنی و ئاڵوگۆڕی زانیاری
- ڕێگریکردن لە قاچاخ و بەرەنگاربوونەوەی تیرۆر
مەسعود بارزانی، سەرۆکی پارتی دیموکراتی کوردستان لەگەڵ قاسم عەبوودی، ڕاوێژکاری ئاسایشی نەتەوەیی عێراق کۆبووەوە و کۆتا پێشهاتەکان و هەماهەنگی لە پارێزراویی سنوورەکانیان تاوتوێ کرد.
ڕاگەیێنراوی نوسینگەی ڕاوێژکاری ئاسایشی نەتەوەیی
نووسینگەی ڕاگەیاندنی ڕاوێژکاری ئاسایشی نەتەوەیی عێراق بڵاویکردووەتەوە، قاسم عەبوودی لەگەڵ مەسعود بارزانی، سەرۆکی پارتی دیموکراتی کوردستان کۆبووەتەوە و تاوتوێی کۆتا پێشهاتی ناوچەکە لەسەر ئاستی هەرێمی و نێودەوڵەتی کراوە.
تاوتوێکردنی دۆخی ناوخۆ و هەرێمایەتی
هەر لە کۆبوونەوەکەدا هەردوولا هەماهەنگی و هاوکاریی نێوان حکومەتی عێراق و حکومەتی هەرێمی کوردستان لە بوارەکانی پاراستنی سنوور و پارێزگاری لەئاسایش و سەقامگیری و پتەوکردنی هەماهەنگیی ئەمنی و ئاڵوگۆڕی زانیاری لەبارەی ڕێگریی لە قاچاخ و بەرەنگاربوونەوەی تیرۆر تاوتوێ کراوە.
گەیاندنی سڵاوی سەرۆکوەزیرانی عێراق
هاوکات قاسم عەبودی سڵاوی عەلی زەیدی، سەرۆکوەزیرانی عێراقی بە مەسعود بارزانی گەیاندووە و جەختکراوەتەوە لە پەرۆشیی حکومەتی عێراق بۆ خستنەگەڕی هەوڵ و تواناکانیان بۆ پارێزگاری لە ئاسایش و سەقامگیریی هەرێمی کوردستان و سەرجەم پارێزگاکانی عێراق.
زانیاری زیاتر بۆ تۆ
ڕاوێژکاری ئاسایشی نەتەوەیی عێراق بە شاندێکی باڵاوە گەیشتە هەولێر
1 کاتژمێر پێش ئێستا