پووختەی هەواڵەکە:

• نێچیرڤان بارزانى: داوا لە لایەنە کوردییەکان و پێکهاتەکانى سووریا دەکەین پشتیوانى ئەم هەنگاوە بکەن

• نێچیرڤان بارزانی :ڕێککەوتنەکە بەرزدەنرخێنم و ئەمە دنیابینى ئەحمەد شەرعە لە هەستکردن بە بەرپرسیارێتى بۆ چارەسەرکردنى کێشەکان و داهاتوویەکى باشتر بۆ سووریا.

• نێچیرڤان بارزانی :ڕێزیش لە ڕۆڵ و هەوڵەکانى مەزڵوم عەبدى دەگرن لەپێناو سەرکەوتنى ئەم پرۆسەیە.

---

نێچیرڤان بارزانى سەرۆکى هەرێمى کوردستان، پێشوازى لە پرۆسەى تێکەڵاوبوونى هێزەکانى هەسەدە لەگەڵ حکومەتى سووریا دەکات و بۆچوونی وایە "هەنگاوێکە بۆ ئاسایش و سەقامگیرى سووریا".

---

 پەیامی سەرۆکی هەرێمی کوردستان بۆ لایەنە کوردییەکانی سووریا

ێچیرڤان بارزانى لە پەیامێکدا داوا لە سەرجەم لایەنە کوردییەکانى سووریا و پێکهاتەکانى ئەو وڵاتە دەکات پشتیوانی ئەم هەنگاوە بکەن.

 بەرزنرخاندنی هەڵوێستی ئەحمەد شەرع و مەزڵوم عەبدی

نێچیرڤان بارزانى دەڵێت، "ڕێککەوتنەکە بەرزدەنرخێنم و ئەمە دنیابینى ئەحمەد شەرعە لە هەستکردن بە بەرپرسیارێتى بۆ چارەسەرکردنى کێشەکان و داهاتوویەکى باشتر بۆ سووریا، ڕێزیش لە ڕۆڵ و هەوڵەکانى مەزڵوم عەبدى دەگرن لەپێناو سەرکەوتنى ئەم پرۆسەیە".

سەرەتاییەکی نوێ لە سووریا

سەرۆکى هەرێمى کوردستان جەختدەکاتەوە، کۆتاییهاتنى پرۆسەى یەکگرتنەوە سەرەتاى قۆناغێکى نوێیە لە سووریا بۆ گرەنتیى مافى سەرجەم هاوڵاتى و پێکهاتە جیاوازەکانى و فەراهەمکردنى ئاسایش و سەقامگیرى لەو وڵاتە.

ئێوارەى ڕۆژى 25ـى ئەم مانگە لە پاش کۆبوونەوەى لەگەڵ ئەحمەد شەرع، مەزڵوم عەبدى کۆتاییهاتنى ئەرکى هەسەدەى وەک هێزێکى سەربەخۆ ڕاگەیاند و گوتى هەسەدە بووەتە بەشێک لە هێزەکانى حکومەتى سووریا.

زانیاری زیاتر بۆ تۆ

مەزڵوم عەبدی تێکەڵبوونی هەسەدەی لەگەڵ سوپای سووریا ڕاگەیاند

مەحموود بەرخودان: بەمزووانە هەسەدە هەڵدەوەشێنینەوە و دەچینە نێو سوپای سووریا

عەبدى: هێزە سەربازییەکان بەناسنامەى خۆیانەوە تێکەڵى حکومەتى سووریا دەبن