پووختەی هەواڵ:

• شەهرام عەلیدی لە دەرهێنەر و سیناریۆنووسە ناسراوەکانی کوردە

• ئێستا وەکو ئەندامی لیژنەی داوەریی یەکەمین خولی فێستیڤاڵی فیلمی ئاسیایی دوبەی هەڵبژێردراوە

• سەرەتای ساڵی داهاتوو فێستیڤاڵەکە دەستپێدەکات

فێستیڤاڵی فیلمی ئاسیایی دوبەی: یەک بۆ حەوتی شوباتی 2027 بەڕێوەدەچێت.

لەبارەی فێستیڤاڵەکە:

• سەکۆی MovieDom سەرپەرشتی دەکات

• بەرهەمی سینەمای ئاسیا، هیندستان و ئیمارات لەخۆدەگرێت

• بەهرەی پلاتفۆرمەکانی پەخش و سینەمای باو کۆدەکاتەوە

ئامانجی فێستیڤاڵەکە:

• بنیادنانی ژینگەیەکی سینەمایی کۆمەڵگەیی لە ئیمارات

• دۆزینەوەی بەهرەی نوێ

• کۆکردنەوەی ناوە ناسراوەکانی سینەمای ئاسیا

شەهرام عەلیدی، وەکو ئەندامی لیژنەی داوەران بەشدار دەبێت، کە هاوشانی خۆی 10 کەسایەتیی ناسراوی سینەمای ئاسیا ئەندامن.

لیژنەکە:

• فیلمە هەڵبژێردراوەکان هەڵدەسەنگێنن

• ناونیشانەکان بۆ پێدانی ڕێزلێنان دەستنیشان دەکرێن

بەشداریکردنی عەلیدی بۆچی گرنگە؟

• سینەمای کوردی هاوئاست دەبێت لەگەڵ سینەما گەورەکانی ئاسیا

• لە یەکەمین خولی فێستیڤاڵەکەدا ناسنامەی خولەکانی داهاتوو دیاری دەکات

• دەروازەیەک دەکاتەوە بۆ بەشداریکردنی کارای هەرێمی کوردستان و عێراق لە فێستیڤاڵەکەدا

• نزیکخستنەوەی کادرە کوردییەکان لە پلاتفۆرم و لایەنەکانی بەرهەمهێنانی کەنداو و ئاسیا

شەهرام عەلیدی:

• لە شاری سنەی ڕۆژهەڵاتی کوردستان لەدایکبووە

• لە زانکۆی تاران هونەرەجوانەکانی خوێندووە

• دەرهێنەر، نووسەری سکرینپلەی و نیگارکێشە

• لە پاریس دەژی و بەڕێوەبەری هونەریی فێستیڤاڵی نێودەوڵەتیی فیلمی سلێمانییە

• کورتەفیلمەکانی براوەی خەڵاتی نێودەوڵەتین

• دیارترین بەرهەمەکانی: مامڵێ، شێرکۆ بێکەس، دوایین گوندی نەژمێردراو، سرتە لەگەڵ با و یادەوەرییەکانی ئەسپی ڕەش