پووختەی هەواڵەکە:

• ئۆجەلان: خاوەندارێتی لە شەهیدان بنەڕەتی بەرپرسیارییەتیمانە

• ئۆجەلان :ئەو ئاشتییەشی هەوڵی بەدیهێنانی دەدەن، ڕێز و وەفادارییە بۆ ئەوان.

---

عەبدوڵا ئۆجەلان دەڵێت، خاوەندارێتیی لە ئەمانەتی ئەندامە گیانبەختکردووەکانیان دەکەن و ئەو ئاشتییەشی هەوڵی بەدیهێنانی دەدەن، ڕێز و وەفادارییە بۆ ئەوان.

---

 پەیامی ئۆجەلان لە زیندانی ئیمراڵییەوە بۆ ئەندامە گیانبەختکردووەکانی پەکەکە

• ئەو ئەندامانەی پەکەکە لە چەند ساڵی ڕابردوودا لە شەڕی سوپای تورکیا گیانیان لەدەستدا و ئێستا لە پارێزگاکانی باکووری کوردستان پرسەیان بۆ دانراوە.

• هەموو ئەو کارانەی کە لەسەر ڕێگای بونیادنانى کۆمەڵگەی دیموکراتیک و کۆماری دیموکراتیک دەیانکەن، پێشکەشی ئەندامە گیانبەختکردووەکانیان دەکەن.

• خاوەنداریکردن لە ئەمانەتەکەیان، سەرەکیترین بەرپرسیارێتیی ئەو ڕێگەیەیە لەسەری دەڕۆن.

• بۆ ئەوەی شایستەی یادەوەریی گیانبەختکردووەکانیان بن، پێویستە بە خێرایی و دەستبەجێ زەمینەی شەڕ بۆ ئاشتییەکی شکۆمەندانە بگۆڕدرێت.

عەبدوڵا ئۆجەلان لە زیندانی ئیمراڵییەوە، پەیامێکی لەبارەی ئەو ئەندامانەی پەکەکە بڵاوکردەوە، لە چەند ساڵی ڕابردوودا لە شەڕی سوپای تورکیا گیانیان لەدەستدا و ئێستا لە پارێزگاکانی باکووری کوردستان پرسەیان بۆ دانراوە.

 پارێزگاریکردن لە ئەمانەتی ئەندامە گیانبەختکردووەکان

ئۆجەلان لە پەیامەکەیدا دەڵێت، هەموو ئەو کارانەی کە لەسەر ڕێگای بونیادنانى کۆمەڵگەی دیموکراتیک و کۆماری دیموکراتیک دەیانکەن، پێشکەشی ئەندامە گیانبەختکردووەکانیان دەکەن، چونکە خاوەنداریکردن لە ئەمانەتەکەیان، سەرەکیترین بەرپرسیارێتیی ئەو ڕێگەیەیە لەسەری دەڕۆن.

دەشڵێت، هەوڵە تیۆریی و پراکتیکییەکانیان بۆ هێنانەئارای ئاشتی، وەفاداری و ڕێزگرتنی قووڵە لە یادەوەریی گیانبەختکردووەکان.

بە گرنگییەوە باسکردنی پرۆسەی ئاشتی لە تورکیا

ئۆجەلان ئاماژە بە گرنگیی ئاشتی دەکات و دەڵێت، بۆ ئەوەی شایستەی یادەوەریی گیانبەختکردووەکانیان بن، پێویستە بە خێرایی و دەستبەجێ زەمینەی شەڕ بۆ ئاشتییەکی شکۆمەندانە بگۆڕدرێت.

ئۆجەلان لە کۆتایی پەیامەکەیدا باس لە بەردەوامیی پڕۆسەکە دەکات و دەڵێت، لە هەوڵەکانیان بەردەوام دەبن، کە لەپێناو بەخشینی ژیانێکی ئازادە بە نەوەی نوێ.

زانیاری زیاتر بۆ تۆ

ئۆجەلان: ئامانجم لە پرۆسەکە بەدیهێنانی ئاشتی و بەسیاسیبوونە

شاندی ئیمراڵی بۆ تاوتوێکردنی پڕۆسەی ئاشتی لەگەڵ ئۆجەلان کۆدەبێتەوە

دوران کاڵکان: تەنیا ئۆجەلان دەتوانێت پڕۆسەکە جێبەجێبکات

شاندی ئیمراڵی: دەبێت ئۆجەلان ڕۆڵێکی دامەزراوەیی و چالاکی هەبێت