عێراقچی: پێویستە وڵاتانی ناوچەکە بەبێ دەستوەردانی دەرەکی خۆیان چارەسەر بۆ کێشەکانیان بدۆزنەوە
پووختەی هەواڵەکە:
- عێراقچی :لەم سەردەمەدا جیهان لە هەموو کاتێک زیاتر پێویستی بە فرەلایەنییەکی ڕاستگۆیانە و دادپەروەرانە هەیە.
- عێراقچی : هەنگاونان بۆ ڕێزگرتن لە سەروەریی نیشتمان، پاراستنی هاوڵاتییان و ئاشتییەکی هەمیشەیی.
عەباس عێراقچی، وەزیری دەرەوەی ئێران، جەختی لەسەر گرنگیی جێبەجێکردنی بێلایەنانەی یاسا نێودەوڵەتییەکان کردەوە و ڕایگەیاند، لەم سەردەمەدا جیهان لە هەموو کاتێک زیاتر پێویستی بە فرەلایەنییەکی ڕاستگۆیانە و دادپەروەرانە هەیە.
گوتاری عێراقچی لە کۆنفڕانسی بانگەوازێن بۆ گۆڕانکاریی جیهانی
- داوای دوورکەوتنەوە لە بەسەربازگەکردن و دەستێوەردان و بەرەو گەشەپێدانی بەردەوام.
- ئێران پێی وایە ئاسایشی بەردەوام ناتوانرێت لە دەرەوەی ناوچەکەوە بسەپێنرێت.
- پێویستە وڵاتانی ناوچەکە بەبێ دەستێوەردانی هێزە دەرەکییەکان، خۆیان چارەسەر بدۆزنەوە بۆ کێشەکان.
- ئێران جەختدەکاتەوە ئەگەر یاسا نێودەوڵەتییەکان پشتگوێ بخرێن، ئەوا قسەکردن لەسەر سەروەریی یاسا قورس دەبێت.
عەباس عێراقچی لە گوتارێکی ئۆنڵایندا لە کۆنفرانسی "بانگەوازێک بۆ گۆڕانکاریی جیهانی" لە ئەندەنوسیا گوتی:"باشترە لە بەسەربازگەکردن و دەستێوەردان دووربکەوینەوە و بەرەو گەشەپێدانی بەردەوام، ڕێزگرتن لە سەروەریی نیشتمان، پاراستنی هاوڵاتییان و ئاشتییەکی هەمیشەیی هەنگاو بنێین".
دۆزینەوەی چارەسەر لە دەرەوە و دەستوەردانی هێزە دەرەکییەکان
سەبارەت بە گرژییەکانی ڕۆژهەڵاتی ناوەڕاست، ئاماژەی بەوە دا، ئاسایشی بەردەوام ناتوانرێت لە دەرەوەی ناوچەکەوە بسەپێنرێت، پێویستە وڵاتانی ناوچەکە بەبێ دەستێوەردانی هێزە دەرەکییەکان، خۆیان چارەسەر بدۆزنەوە".
پشتگوێخستنی یاسا نێودەوڵەتییەکان و لاوازبوونی متمانە بە دامەزراوەکانی
گوتیشی:"ئەگەر لە کاتی بەرژەوەندیی هێزە گەورەکاندا، یاسا نێودەوڵەتییەکان پشتگوێ بخرێن، ئەوا قسەکردن لەسەر سەروەریی یاسا قورس دەبێت"، باسی لەوەش کرد ئەگەر دامەزراوەکانی وەکو نەتەوە یەکگرتووەکان نەتوانن لێپرسینەوە لە پێشێلکارانی یاسای نێودەوڵەتی بکەن، ئەوا متمانەی ئەم دامەزراوانە لاواز دەبن.
ئاسایشی بەردەوام لە دیدی ئێرانەوە
عێراقچی جەخی لەسەر ئەوە کردەوە لە دیدی ئێرانەوە، ئاسایشی بەردەوام لە ڕێگەی گفتوگۆ، متمانەسازی، هاوکاری و ڕێزگرتنی دوولایەنە لەنێوان وڵاتانی ناوچەکەدا بەدی دێت، نەوەکو لە ڕێگەی بوونی سەربازیی هێزە دەرەکییەکانەوە.
زانیاری زیاتر بۆ تۆ
عێراقچی مەرجی ئێران بۆ کردنەوەی گەرووی هورمز دیاریدەکات
پزیشکیان: ئەمریکا دەیەوێت لە ڕێگەی گەمارۆکانەوە ناکۆکی بخاتە نێوانمان
نەتەوەیەکگرتوەکان: ئێرانییەکان لە نێوان جەنگ و چەوساندنەوەدا گیرۆدەن
پەیمانگەیەک: ئێران بە خێرایی دامەزراوە ئەتۆمییەکانی بونیاد دەنێتەوە
