پووختەى هەواڵەکە

• ئێران پلانێکی حەوت ڕۆژەی بۆ کردنەوەی گەرووی هوورمز بۆ ئەمریکا پێشنیاز کردووە.
• عێراقچی: لە کۆتایی ڕۆژی حەوتەم دا گەرووی هوورمز دەکرێتەوە.
• عێراقچی: پێشنیازەکە زۆر نزیکە لە یاداشتی لێکتێگەیشتنەکە.
• عێراقچی: دوای حەوت ڕۆژەکە دانوستان لەسەر بەرنامەی ئەتۆمی دەستپێدەکات.

---

عەباس عێراقچی، وەزیری دەرەوەی ئێران، لە کۆنفرانسێکی ڕۆژنامەوانیدا، لە لوتکەی نەتەوەیەکگرتووەکان ڕایگەیاند، پێشنیازەکە هاوشێوەی ئەو خاڵانەیە لە یاداشتی لێکتێگەیشتنەکەدا دیاریکرابوون، کە لە مانگی حوزەیراندا لە نێوان ئەمریکا و ئێران واژۆکرا و بەخێراییش هەڵوەشایەوە.

---

پێشنیازەکەى عێراقچى

• عێراقچی: لە ڕێگەی نێوەندگیرەکانەوە پلانێکمان پێشکەشی ئەمریکا کردووە، ئەگەر مەرجە دیاریکراوەکان بێنە دی، لە کۆتایی ڕۆژی حەوتەم دا، گەرووی هوورمز دەکرێتەوە و دانوستانەکان دەستپێدەکەنەوە."
• عێراقچی ئاماژەی بەوەشکرد، ئێران ئامادەیە بەزوویی دەست بە جێبەجێکردنی پلانەکە بکات، ئەگەر واشنتن ڕەزامەندی لەسەر دەربڕێت.
• عێراقچی: باشتر دەبێت ئەگەر پێش هەڵبژاردنی نیوە خولی سەرۆکایەتیی ئەمریکا، ڕێککەوتن بکەن.
• بەگوتەی بەرپرسانی ئێران، پیشنیازەکە زۆر نزیکە لە یاداشتی لێکتێگەیشتنەکەی مانگی حوزەیران، بەڵام بە جۆرێک داڕێژراوە خێراتر بەڕێوەبچێت.
• بە گوێرەی گوتەکانی عێراقچی، لە ژێر ئەو مەرجانەی ئێران دیاریکردووە، لە ماوەی ئەو حەوت ڕۆژەدا، هەموو شەڕ و پێکدادانەکان کۆتاییان پێدێت، بە لوبنانیشەوە.
• ئەمریکا سامانە بلۆککراوەکانی ئێران ئازاد دەکات، کە بە لایەنی کەمەوە بە 12 ملیار دۆلار مەزەندە دەکرێت.
• سزاکانی سەر نەوتی ئێران لادەبات و گەمارۆی دەریایی سەر ئێران هەڵدەگرێت.
• لە کۆتا ڕۆژیشدا، گەرووی هوورمز دەکرێتەوە.
• پاشان دوای ئەو حەوت ڕۆژە، دانوستانی گشتگیر سەبارەت بە بەرنامەی ئەتۆمیی ئێران دەستبەجێ دەستپێدەکات.
  
  هاوکات بەرپرسێکی ئەمریکی کە ئاگاداری دانوستانەکانە ڕایگەیاندووە، ئیدارەی ئەمریکا لە ڕێگەی نێوەندگیرەکانەوە خەریکی گفتوگۆی ئەرێنی و بونیادنەرانەیە، بەڵام پەلە ناکات لە واژۆکردنی ڕێککەوتن.

زانیارى زیاتر بۆ تۆ

موجتەبا خامنەیی: واژۆی ترەمپ لەسەر یاداشتى لێکتێگەیشتنەکە هیچ بەهایەکى نییە

ڕێککەوتنى ئەمریکا و ئێران؛ چی دەزانیت دەربارەی بەندەکان و بۆچی مەترسییەکانی ماونەتەوە؟