
دەزگاى دژەتیرۆرى عێراق ڕایگەیاند، لە ڕووبەڕووبوونەوەیەکى چەکداریدا لەنێوان هێزەکانى دژەتیرۆر و چەند چەکدارێکى ڕێکخراوى داعش لە شارەدێى پردێ لە پارێزگاى کەرکووک، دوو چەکدارى داعش کوژراون.
دەزگاى دژەتیرۆرى عێراق ڕاگەیێنراوێکى بڵاوکردەوە و تیایدا ئاماژەى بەوە کردووە، هێزەکانى دژە تیرۆر لە شارەدێى پردێی سەر بە پارێزگاى کەرکوک، دوو چەکدارى داعشیان کوشتووە کە پشتێنى بۆمبڕێژکراویان بەستبوو.
هاوکات سەعد مەعن، سەرۆکی شانەی ڕاگەیاندنی ئەمنی ڕایگەیاند، لە بەدواداچوونێکى هەواڵگریدا لە شارەدێى پردێى پارێزگاى کەرکوک هێزەکانى دژەتیرۆرى عێراق لەگەڵ سێ چەکدارى داعش ڕووبەڕوو بوونەتەوە کە دووانیان پشتێنى بۆمبڕێژکراویان بەستبوو.
سەرۆکی شانەی ڕاگەیاندنی ئەمنی ئاماژە بەوە دەکات، لە ئەنجامى ڕووبەڕووبوونەوەکەدا ئەو دوو چەکدارەى پشتێنى بۆمبڕێژکراویان بەستبوو کوژران و چەکدارى سێیەمیان بە بریندارى کەوتووەتە دەست هێزەکانی دژەتیرۆر و دەستگیر کراوە.
سەعد مەعن ڕوونیکردەوە، لە ڕووبەڕووبوونەوەکەدا دوو ئەندامى دژەتیرۆر بریندار بوون و هاوڵاتییەکی مەدەنیش کە کرێکارى کارگەیەکى نزیک لە شوێنى شەڕەکە بووە، گیانی لەدەستداوە.
چەکدارانی نەناسراو هێرشیان کردە سەر خاڵێکی سەربازی حەشد لە پردێ
دژەتیرۆری عێراق: بەهۆی تەقینی بۆمبێکی چێندراو سێ ئەنداممان کوژرا
