پووختەى هەواڵەکە

• شاندی هەرێمی کوردستان بەشداریی کۆبوونەوەکەی کردووە.

• ئەنجوومەنی وەزاریی ئابووری تاوتوێ بودجەی 2027ـی کردووە.

• گفتوگۆیان لە بارەی پڕۆژەیاسای بودجە کردووە.

• گفتوگۆیان لە بارەى قەرەبووکردنەوەی خانەنشین و فەرمانبەران کردووە.

• گفتوگۆ لە بارەى هەناردەی نەوت کراوە.

  ---

ليژنەی وەزاریی ئابووریی عێراق بە ئامادەبوونی شاندی هەرێمی کوردستان کۆبووەوە و کۆبوونەوەکە بە سەرپەرشتیی محەممەد تەمیم، جێگری سەرۆکوەزیرانی عێراق بۆ کاروباری ئابووری و بە بەشداریی شاندی هەرێمی کوردستان و وەزیرانی نەوت، ئاوەدانکردنەوە و نیشتەجێکردن و سەرۆکی دیوانی چاودێریی دارایی و بەڕێوەبەری گشتیی فەرمانگەی ئابووریی فیدڕاڵی بەڕێوەچووە.

بە گوێرەى ڕاگەیەنراوی نووسینگەی جێگری سەرۆکوەزیرانی عێراق:

• گفتوگۆ لە بارەی پرسەکانی قەرەبووکردنەوەی فەرمانبەران و خانەنشینان.

• بەرهەمهێنانی نەوت لە کێڵگە نەوتییەکانی هەرێمی کوردستان.

• خەرجییە سیادییەکان کراوە.

کۆبوونەوەی ئەنجوومەنی وەزاریی ئابووریی عێراق بە بەشداریی شاندی هەرێمی کوردستان لە کاتێکدایە، بڕیارە دانیشتنی ڕۆژی سێشەممەی ئەنجوومەنی وەزیرانی عێراق، تایبەت بکرێت بە تاوتوێکردنی ڕەشنووسی بودجەی 2027.