مامۆستای زانکۆ و نووسەرێکی ناوداری کورد بوو، ساڵی 1930 لە شاری هەولێر و لە بنەماڵەی خەزنەدارەکانی هەولێر لەدایکبووە.

دکتۆر مارف خەزنەدار:

• یەکێک بووە لە دامەزرێنەرانی یەکێتیی نووسەرانی کورد و ماوەیەک سەرنووسەری گۆڤارەکەیان بووە

• ماڵەکەی کردبوو بە مەڵبەندی ڕووناکبیری بۆ پاراستنی دەق و دەستنووس و ئەرشیفی ئەدەبی کوردی

• لە پەنجاکانی سەدەی ڕابردووەوە، دەستی بە نووسین کردووە
  
  یاداشتە ڕۆژانەکانی خۆی لە ساڵی 1930 تاوەکو ساڵی 1991 لە دووتوێی حەوت بەرگدا نووسیوە بە ناونیشانی (دیجلەی ھزرم)

• دوا بەرھەمی بریتییە لە کتێبی مێژووی ئەدەبی کوردی، کە لە حەوت بەرگدا چاپی کردووە

• بەنزیکەی 30 کتێبی چاپکراوە

دکتۆر مارف خەزنەدار لە تەمەنی 80 ساڵیدا، لە شاری هەولێر ڕێکەوتی 25ی تشرینی یەکەمی 2010، بەهۆی نەخۆشی دڵ کۆچی دوایی کردووە