پووختەى هەواڵ

• لە سەرەتاى مانگى ئازارەوە تێپەڕبوون بە گەرووى هوورمزدا سەخت بووە.

• ئەمریکا بانگەشەى کردنەوەى ڕێڕەوى سەلامەت دەکات.

• سوپاى پاسداران چەندینجار گوتوویەتى کە گەرووەکە لەژێر کۆنترۆڵى ئەواندایە.

سوپاى پاسداران ڕایگەیاند، لە 24 کاتژمێری ڕابردوودا، دوو کەشتیی نەوتهەڵگر و کەشتییەکی کرێن لە ئاوەکانی کەنداو و نزیک لە گەرووی هوورمز گڕیان گرت.

سوپای پاسدارانی ئێران:

• دوو کەشتیی نەوتهەڵگری گەورە ویستوویانە بە ڕێگای نایاسایی بە گەرووی هوورمزدا تێپەڕن.

• بەهۆی تەقینەوەی مینە دەریاییەکان پیایاندا، گڕیان گرتووە.

• دووەم کەشتی نەوتهەڵگر ویستوویەتی بە ڕۆژهەڵاتی گەرووەکەدا تێپەڕێت.

• ئەویش بە هەمانشێوە بەهۆی تەقینەوەی مینی دەریایی پێیدا گڕی گرتووە.

• دوای گڕ گرتنیشی کرێنێکی کەشتی گواستنەوە گەیشتووەتە شوێنی ڕووداوەکە بۆ هاوکاری، ئەویش بەهەمان شێوە لە شوێنەکەدا گڕی گرتووە.

سوپای پاسدرانی ئێران، هیچ ئاماژەیەکى بە ناسنامە و زیانە دارایی و گیانییەکانی کەشتییە زیان لێکەوتووەکان نەکردووە و ئاماژەى بەوەشکردووە، هێزە ئاسمانییەکانیان لە 24 کاتژمێری ڕابردوو توانیویانە لەڕێگەی کۆنترۆڵی ئەلیکترۆنییەوە دەست بەسەر دوو درۆنی لۆکاسی ئەمریکیدا بگرن.

زانیاریى زیاتر بۆ تۆ:

ڕێبەری باڵای ئێران: هەر گۆڕانکارییەک لە ئەمریکا هەڵوێستی واشنتن بەرامبەر تاران ناگۆڕێت

گرژییەکان لە کەنداو؛ ئێران درۆنی ئەمریکی دەخاتە خوارەوە و کەشتیی نەوتهەڵگر دەتەقێنێتەوە