پووختەى هەواڵەکە

• دەستەی کەشناسیی عێراق: پلەکانی گەرما لە هەرێمی کوردستان و تەواوی ناوچەکانی عێراق بەرزبوونەوە تۆمار دەکەن.

• ئاسمان لە نێوان ساماڵ بۆ نیمچە هەور بێت.

  ---

دەستەی کەشناسیی عێراق لە ڕاگەیێنراوێکدا دەڵێت، ڕۆژی شەممە ئاسمانی هەرێمی کوردستان و باشووری عێراق نیمچە هەور دەبێت، بەڵام لە ناوەڕاستی عێراق ئاسمان ساماڵ دەبێت، پلەکانی گەرماش بەراورد بە ئەمڕۆ هەینی بەرزبوونەوەیەکی کەم تۆمار دەکەن.

پلەی گەرمای پارێزگاکانی هەرێمی کوردستان و عێراق ڕۆژی شەممە بەمشێوەیە دەبێت:

• سلێمانی 17.

• دهۆک 18.

• هەولێر 19.

• کەرکووک و نەینەوا 20.

• سەڵاحەدین و ئەنبار 23.

• بەغداد و دیالە و کەربەلا و نەجەف و واست 24.

• بابل و دیوانییە و میسان و زیقار 25.

• موسەننا و بەسڕە 26 پلەی سیلیزیی دەبێت.

کەشوهەوای یەکشەممە

ئاسمان لە نێوان نیمچەهەور بۆ هەوری تەواو دەبێت لە ڕۆژدا، بەڵام لە شەودا دەگۆڕێت بۆ ساماڵ، پلەکانی گەرماش لە هەرێمی کوردستان و باشووری عێراق کەمێک بەرزتر دەبێتەوە.

کەشوهەوای دووشەممە

بە گوێرەى پێشبینییەکانی کەشناسیی عێراق، ئاسمان ساماڵ بۆ نیمچەهەور دەبێت، پلەکانی گەرماش بەرزبوونەوەی زیاتر تۆمار دەکەن.

کەشوهەوای سێشەممە

ئاسمان لە هەرێمی کوردستان هەور دەبێت و پلەکانی گەرماش بەراورد بە ڕۆژانی پێشتر دابەزینێکی کەم تۆمار دەکەن.