پووختەی هەواڵ:

• شیدا بازیار خانمە نووسەرێکی ڕۆژهەڵاتی کوردستانە

• شیدا بووە بە براوەی خەڵاتی کتێبی ئەڵمانی بۆ ساڵی 2026

• خەڵاتەکە ساڵانە دەدرێت بە باشترین کتێب کە بە ئەڵمانی نووسرابێت

• ناوەڕۆکی ڕۆمانەکە لەبارەی گوندێکی خەیاڵییە لە ئەڵمانیا

شیدا بازیار خەڵکی ئاودانانی ئیلامە لە ڕۆژهەڵاتی کوردستان؛ لە ئەڵمانیا ڕۆمانەکەی بە ناونیشانی Die Lücken/بۆشاییەکان بڵاوکردووەتەوە.

لە بنەڕەتی 205 ڕۆمانی بەربژێر، بەرهەمەکەی شیدا دەستنیشان کراوە و وەکو براوەی ئەمساڵی خەڵاتی کتێبی ئەڵمانیا ستایشی هەوڵەکەیان کردووە.

لەبارەی ڕۆمانەکە:

• لە گوندێکی خەیاڵیی ئەڵمانیا ژیانی چەند نەوەیەک دەگێڕێتەوە

• بە پانتایی 90 ساڵ لە ئەزموون کارەکتەرەکان ڕۆڵدەگێڕن

• پرسی نازیزم و جووەکان هاوتای کۆچبەرانی ئێستە لەخۆدەگرێت

  

خوێنەری کورد، لەم ڕۆمانەدا، دەنگدانەوەی ئەزموونی پڕ لە ئازاری مێژووی خۆی دەبیستێتەوە، لە سەرکوتکردن، ڕاگواستن و هەوڵەکانی سڕینەوەی ناسنامە و زمانەکەیدا.

لەبارەی خەڵاتەکە:

• خەڵاتی کتێبی ئەڵمانی لە دیارترین و بەناوبانگترین خەڵاتە ئەدەبییەکانی وڵاتەکەیە

• ساڵانە کۆمەڵەی بڵاوکەرەوە و کتێبفرۆشان دەیبەخشن

• ساڵی 2005 دامەزراوە

• ئامانجی دەستنیشانکردنی باشترین ڕۆمانی ساڵ و برەودانە بە ئەدەبی هاوچەرخی زمانی ئەڵمانی

• براوە بڕی 25 هەزار یۆرۆی پێ دەدرێت

• نووسەرانی ڕەچەڵەک جیاواز دەتوانن بەشدار ببن

• بەراورد دەکرێت بە خەڵاتی ئەدەبیی بوکەر