• ئەمشەو بایرن میونشن و ئارسیناڵ لە چامپیۆنزلیگ و لە یارییەکی لوتکەدا رووبەڕووی یەکدی ببنەوە

• بایرن میونشن لە دوای سەرکەوتنە گەورەکەی بەرامبەر لەیپزیگ، بە ورەیەکی بەرزەوە پێشوازی لەم یارییە دەکات

• ئارسیناڵیش بە بردنەوەی لە نۆتینگهام فۆرێست درێژە بە ئەنجامە باشەکانی دەدات

• ئامارەکان ئاماژە بەوە دەکەن کە یاری کردن لە ئەڵمانیا هەمیشە بۆ یانە ئینگلیزییەکان ئەرکێکی قورس بووە

ئەمشەو یارییەکی بەهێز لە چامپیۆنزلیگ لە نێوان بایرن میونشن و ئارسیناڵ ئەنجام دەدرێت و یانەی ئارسیناڵ ڕووبەڕووی قورسترین تاقیکردنەوە دەبێتەوە.

بایرن میونشن لە بۆندسلیگا بە ئەنجامێکی گەورە لایپزیگی تێکشکاند و گەڕایەوە پێشەنگی خولەکە، سەرەڕای یەکسانبوونی یاریی پێشووی چامپیۆنزلیگیان بەرامبەر ڤایکینگ. بایرن خاوەنی مێژوویەکی بەهێزە لە یاریگەی خۆیدا، بە جۆرێک 9 یاری لەسەریەکی لەم خولەدا بردووەتەوە و لە دوا 5 یاریشدا لە ئەلیانز ئارینا لانیکەم 5 گۆڵی تۆمار کردووە.

لە بەرامبەردا، ئارسیناڵ بە بردنەوەی لە نۆتینگهام فۆرێست ئامادەکاری بۆ ئەم یارییە کردووە. تیپەکەی میکێل ئارتێتا ئەم وەرزە لە کۆی 11 یاری 10 بردنەوەی هەیە و لە قۆناغی کۆمەڵەکاندا 14 بردنەوەی لەسەریەکی هەیە. هەرچەندە ئارسیناڵ لە دەرەوەی یاریگای خۆی لە ئەورووپا ئاستێکی باشی هەبووە، بەڵام تەنیا یەک بردنەوەی لە دوا 8 یاری دەرەوەیدا لە ئەڵمانیا هەبووە، کە ئەمەش ئەرکیان قورس دەكات.