باخچەلی: پرۆسەی تورکیای بێتیرۆر لە ئایندەیەکی نزیکدا دەگاتە پایان

پووختەى هەواڵەکە:

ڕێکار و هەنگاوەکان لە چوارچێوەى پرۆسەى ئاشتیدا بەردەوامن.
دەوڵەت باخچەلی یەکێکە لە ئەندازیارەکانى پرۆسەى ئاشتى یان تورکیاى بێتیرۆر.
باخچەلى جەختى لە سەرخستنى پرۆسەکە کردەوە.

لەمیانی پێشکەشکردنی وتارێک لە کۆبوونەوەی هەفتانەی فراکسیۆنی پارتەکەی لە پەرلەمانی تورکیا دەوڵەت باخچەلی، سەرۆکی گشتیی مەهەپە لەبارەی ژمارەیەک پرسەوە دوا، لەنێویاندا پرۆسەی چارەسەریی و هاوپەیمانیی مەککە.

دەوڵەت باخچەلی:

هەنگاوەکانی پرۆسەى "تورکیای بێ تیرۆر"، بەردەوام دەبن و لە کورترین کاتدا بەئەنجام دەگەن.
هەوڵەکانی ئەنقەرە بۆ بنبڕکردنی "تیرۆر" و هێنانەدی ئارامی بووەتە هۆی دڵەراوکێ لەلای نەیاران.
تورکیا لە بڕیارەکەی پاشگەز نابێتەوە.

هێرشى حوسییەکانى بۆ سعودیە سەرکۆنە کرد

لە بەشێکی دیکەی قسەکانیدا، باخچەلی هێرشی حوسییەکانی بۆ سەر فڕۆکەخانەی نێودەوڵەتی شا خالید، لە ڕیاز بە توندی سەرکۆنە کرد و بەپێویستی زانی، لە چوارچێوەی رێککەوتننامەی بەرگریی هاوبەشی مەککە، سەرجەم هاوکارییە سەربازییە پێویستەکان پێشکەشی سعودیە بکات.

زانیاریى زیاتر بۆ تۆ:

شاندی ئیمراڵی و دەوڵەت باخچەلی لەسەر پرۆسەی چارەسەری کۆبوونەوە