پووختەى هەواڵەکە

• دەستەی گشتیی چاودێری کردنی تەرخانی داهاتە فیدڕاڵییەکان: داهاتە نانەوتییەکان تاوەکو مانگی تەمموزی ڕابردوو، گەیشتووەتە8.7  ترلیۆن دینار.
• سۆزان عەبدوڵا: بەروارد بە ساڵی ڕابردوو زیادکردنی بەرچاوی تۆمارکردووە.
• لە ماوەی یەک ساڵدا داهاتی نانەوتی 1.7 ترلیۆن دینار زیادیکردوو.

---

سۆزان عەبدوڵا محەممەد، بەڕێوەبەری دەستەکە ڕایگەیاندووە، داهاتی نانەوتی تاوەکو مانگی تەمموزی 2026 گەیشتووەتە8.7  ترلیۆن دینار، لە کاتێکدا تاوەکو هەمان وادە، داهاتی نانەوتی نزیکەی حەوت ترلیۆن دینار بووە.

---

داهاتى ساڵێک و گەشەى دارایی لە دەروازەکان

• لە ماوەی یەک ساڵدا داهاتی نانەوتی 1.7 ترلیۆن دینار زیادیکردووە.
• ئاستی گەشەکردن 23.5% بووە.
• ڕێژەی زیادبوونی داهاتیش 22%ـی کۆی گشتیی داهاتە فیدڕاڵییەکان بووە.

سۆزان عەبدوڵا جەختلەوە دەکاتەوە، بەرپرسیارێتییان تەنیا چاودێریکردنی قەبارەی داهاتەکان نییە، بەڵکو خۆی لە دڵنیابوونەوە لە سەلامەتی تەرخانکردنی پارە دەبینێتەو بەگوێرەی دەستوور و یاساکان، بە جۆرێک دادپەروەریی دارایی بەدیبهێنێت و پارێزگاری لە سامانی گشتی بکات.

بەڕێوەبەری دەستەی گشتیی چاودێرکردنی تەرخانی داهاتە فیدڕاڵییەکان ئاماژە بەوەدەکات، زیادکردنی داهاتە نانەوتییەکان تەنیا لەڕێگەی زیادکردنی باجەوە ئەنجام نادرێت، بەڵکو پێویستە بە بەهێزکردنی سەرچاوەکانی داهاتە.