سەرۆککۆماری ئێران: سەرکەوتنی دانوستانەکان پەیوەستە بە دوورکەوتنەوە لە بەکارهێنانی هەڕەشە و فشار
پووختەى هەواڵەکە
- سەرۆککۆماری ئێران: سەرکەوتنی دانوستانەکان پەیوەستە بە دوورکەوتنەوە لە بەکارهێنانی هەڕەشە و فشار
- پزیشکیان: دانوستان و گفتوگۆکان ناگەنە هیچ ئەنجامێک ئەگەر ڕێز لە یەکدی گرتن و بەرژەوەندیی هاوبەشی تێدا پارێزراو نەبێت.
- پزیشکیان: ئێران هەرگیز دەستبەرداری دیپلۆماسیەت نابێت.
مەسعود پزیشکیان، سەرۆککۆماری ئێران ئەمڕۆ هەینی لە لووتکەی "کۆمەڵەی وڵاتە سەربەخۆکان" لە تورکمانستان ڕایگەیاند، دانوستان و گفتوگۆکان ناگەنە هیچ ئەنجامێک ئەگەر ڕێز لە یەکدی گرتن و بەرژەوەندیی هاوبەشی تێدا پارێزراو نەبێت و دوور نەبێت لە هەر هەڕەشە و فشارێک
ناوەڕۆکى وتارەکەى پزیشکیان:
- وڵاتەکەی هەرگیز دەستبەرداری دیپلۆماسیەت نابێت و هەمیشە دیپلۆماسیەتی بە ڕێگەی سەرەکی بۆ چارەسەری کێشەکان زانیوە.
- سەرۆککۆماری ئێران جەختیکردەوە، "تاران بەردەوامە لە پێداچوونەوە و لێکۆڵینەوە لەو پێشنیازانەی لە نێوان وڵاتەکەی و واشنتن لە ڕێگەی نێوەندگیرەکانەوە ئاڵوگۆڕ دەکرێن".
مانگی ئەیلوولی ئەمساڵ ئێران ڕایگەیاند، پلانێکی حەوت خاڵییان بە ئەمریکییەکان داوە بۆ کۆتاییهاتنی جەنگ و کردنەوەی گەرووی هوورمز، بەگوێرەی پلانی پێشنیازکراوی ئێران بۆ ئەمریکا، تاران مۆڵەتێکی حەوت ڕۆژە دەداتە ئەمریکا کە تێیدا بەگوێرەی پلانەکە، ڕۆژی شەشەم گەرووەکە دەکرێتەوە و لە ڕۆژی حەوتەمیشدا دانوستانەکان بۆ گەیشتن بە ڕێککەوتنی کۆتایی دەستپێدەکەنەوە.
پێشتریش وەزیری دەرەوەی ئێران رایگەیاندبوو، بۆ جێبەجێکردنی پلانەکە، دەبێت ئەمریکا گەمارۆکانی لەسەر بەندەرەکانی ئێران هەڵبگرێت و پارە بلۆککراوەکان ئازاد بکات و سزای سەر نەوتی ئێرانیش کۆتایی پێبهێنێت، ئەوە بوو دۆناڵد ترەمپ سەرۆکی ئەمریکا هەر ئەو کات ڕایگەیاند، پلانەکەی ئێرانی قبوڵ نەکردووە.
زانیارى زیاتر بۆ تۆ
کۆشکی کریملن: کۆبوونەوەکەی پوتن و پزیشکیان هیچ پەیامێکی بۆ ترەمپ تێدا نەبووە
