پووختەى هەواڵەکە

• مونا قەهوەچی: پێویستە هەوڵى جددى بدرێت بۆ کاراکردنەوەى پەرلەمانى کوردستان.

• مونا قەهوەچی: ڕوانگەى پارتى چاکسازیى تورکمان ڕوونە.

• پێویستە سەرجەم لایەنەکان لە یەک نزیک بکرێنەوە تاوەکو پەرلەمانى کوردستان کارابکرێتەوە.

  ---

مونا قەهوەچی، جێگری سەرۆکی پارتی چاکسازیی تورکمان و ئەندامی خولی 6ـەمی پەرلەمانی کوردستان بە کەناڵ8ـى ڕاگەیاند، ئەوان لە پرسە نیشتمانییەکان هەمیشە لەگەڵ ئەوەدان دامەزراوەکان پارێزراوبن و ڕوانگەى پارتى چاکسازیى تورکمان ڕوونە کە پێویستە هەوڵى جددى بدرێت بۆ کاراکردنەوەى پەرلەمان، چونکە دامەزراوەی یاسادانانە.

بڕیارى دادگاى فیدڕاڵى و هەڵوێستى پارتى چاکسازى تورکمان

• قەهوەچى: بڕیارەکە چاوەڕوانکرابوو.

• چونکە ئەو بڕیارە لە دەرەوەى دەسەڵاتى دادگابوو هەروەها نایاسایى بوو.

• پێویستە هەوڵبدرێت سەرجەم لایەنەکان لە یەک نزیک بکرێنەوە.

• تاوەکو پەرلەمانى کوردستان کارابکرێتەوە و حکومەتى نوێ پێکبهێندرێت.

ئەوەش دواى ئەوەدێت، دادگاى فیدراڵیى عێراق سکاڵای هەڵوەشاندنەوەی خولی شەشەمی پەرلەمانى کوردستانی ڕەتکردەوە و ڕایگەیاند، پرسی هەڵوەشاندنەوەی خولی شەشەمی پەرلەمانى کوردستان بەپرسێکى ناوخۆى هەرێمى کوردستانە و لە تایبەتمەندیی دادگای فیدراڵیدا نییە.

زانیاریی زیاتر بۆ تۆ:

دادگای فیدڕاڵی لە بارەی دوو سکاڵاکەی سەر هەرێمی کوردستان بڕیاریدا