داتاکانى بانکى ناوەندیى عێراق پاشەکشەیەکى گەورە لە پارەى نەختینە دەردەخەن و بەجۆرێک زیاتر لە %70 دابەزینى بەخۆیەوە بینیوە.

ڕێژەی دابەزینی پارەی نەختینەی دینار

بەگوێرەى داتاکانى بانکى ناوەندیى عێراق، پارەى نەختینە لە گەنجینەکانى بانکى ناوەندیى عێراق لە چوار مانگى یەکەمى ئەمساڵدا پاشەکشەیەکى زۆرى کردووە و لە کۆتایى مانگى نیساندا بۆ 566 ملیار دینار کەمیکردووە لە کاتێکدا لە کۆتایى ساڵى 2025 بڕى 1,907 تریلیۆن دینار بوو، بەو جۆرەش بڕى 1,341 تریلیۆن دینار کەمى کردووە و بەڕێژەى %70,3 دابەزینى بەخۆیەوە بینیوە.

داتاکانى بانکى ناوەندیى عێراق چی دەڵێن

داتاکانى بانکى ناوەندیى عێراق دەریدەخەن کە پارەى نەختینە لە 1,524 تریلیۆن دینارەوە لە کانوونى دووەم بۆ 1,005 تریلیۆن لە مانگى شوباتدا دابەزینى بەخۆیەوە بینیوە و پاشان لە مانگى ئازاردا بۆ 849 ملیار دینار و لە مانگى نیسانیشدا بۆ 566 ملیار دینار دابەزى.

لە بەرانبەردا نرخى خەرجکردنى فەرمى لە 1300 دینار بۆ دۆلار مایەوە و تێکڕاى هەڵاوسان لە هەمان ماوەدا لە %0.9 بۆ %1,7 بەرزبووەتەوە.

[1]