لە کەرکووک خۆپیشاندانى مامۆستایانی خۆبەخش بەڕێوەچوو
لە کەرکووک خۆپیشاندانى مامۆستایانی خۆبەخش بەڕێوەچوو کە بە ڕێپێوانێک چوونە بەردەم بیناى ئەنجوومەنى پارێزگاى کەرکووک و داوایانکرد دابمەزرێن.
جێکردنەوە لەناو 7 هەزار پلەى دامەزراندن
مامۆستایان ڕایانگەیاند، ماوەى چەند ساڵێکە لە کەرتى پەروەردەى کەرکووک بەشێوەى خۆبەخش خزمەتدەکەن و بەڵام دامەزراندن نایانگرێتەوە، بە پێویستیشى دەزانن لەو حەوت هەزار پلەیەیى کە بڕیارى دامەزراندنیان دراوە جێگەیان بکرێتەوە کە تاوەکو ئێستا ڕانەگەیێنراون.
بەڵێنەکان نەبوون بە کردار
دەشڵێن: چەندین جار بەڵێنیان پێدراوە بۆ ئەوەى دابمەزرێن، بەڵام تاوەکو ئێستا بەڵێنەکان نەبوون بەکردار و لەچوارچێوەى قسەدا ماونەتەوە، مامۆستایانى خۆبەخش داواش دەکەن تایبەتمەندییان پێبدرێت و دابمەزرێن.
پڕۆسەى دامەزراندن بۆ کەرکووک
بە گوتەى بەشێکى دیکە لە مامۆستایان، ئێستا، بڕیارى دامەزراندن بۆ حەوت هەزار و 304 کەس لەشارى کەرکووک دەرچووە بەڵام ئەوانى لێ بێبەشکراوە، داواش دەکەن دابمەزرێن.
مامۆستایانی خۆبەخشی خوێندنی کوردی لە کەرکووک ژمارەیان زیتر لە دوو هەزار مامۆستایە و بەشێکیان حەوت ساڵە لە کەرتى پەروەردەى شارەکە بەشێوەى خۆبەخش وانەدەڵێنەوە.
1 کاتژمێر پێش ئێستا