
وەزارەتى سامانە سرووشتییەکان بڕیارێکى دیکەى لەبارەى بەنزینەوە دەرکرد و ڕایگەیاند، بڕیاریانداوە بە پاڵپشتیکردنى بەنزینى نۆرماڵى بازرگانى و نرخەکەى هاوشێوەى بەنزینى حکومى دەبێت بە 750دینار.
لە فەرمانەکەدا کە واژۆى وەزیرى سامانە سرووشتییەکانى لەسەرە، باسلەوەکراوە ئەمڕۆ کۆبوونەوەیەکیان کردووە، بڕیاریانداوە بە چارەسەرکردنى قەیرانى بەنزین، چارەسەرەکەش بەمجۆرەیە، حکومەت پاڵپشتیی بەنزینى نۆرماڵى بازرگانى دەکات بەشێوازێک نرخەکەى ببێتە 750دینار و هەر لیترێک بەنزینخانە چەند بەگرانتر بیکڕێت حکومەت ئەو جیاوازى نرخە لە ئەستۆ دەگرێت.
هەر لە بڕیارەکە هاتووە، دابەشکردنى بەنزین بە هەماهەنگى وەزارەتى سامانە سرووشتییەکان و پارێزگا و ئیدارەسەربەخۆکان و بەڕێوەبەرایەتیى نەوت و کانزاکان و کۆمپانیاکانى دابینکەرى بەنزین بە ڕەچاوکردنى کوالێتى بەگوێرەى ڕێنماییەکان دەبێت.
لەفەرمانە وزارییەکە ئاماژە بۆئەوەکراوە، بڕیارەکە لەئەمڕۆوە دەچێتە بوارى جێبەجێکردنەوە.
ئەمە شەشەم بڕیارى وەزارەتى سامانە سرووشتییەکانە لەماوەى دوو مانگدا بۆ کۆنترۆڵکردنى نرخى بەنزین، بەڵام بەردەوام نرخ بەرز دەبێتەوە.
زانیاری زیاتر بۆ تۆ
کۆبوونەوەی لیژنەی نەوت و سۆمۆ لەسەر بەنزینی هەرێمی کوردستان
بەنزین و مووچە جوڵەی گەشتیاریی ناوخۆیان لە هەرێمی کوردستان پەکخستووە
بۆ چارەسەری قەیرانی بەنزین لە هەرێم چاوەکان لەسەر بەغدادن
واژۆی 166 پەرلەمانتار بۆ چارەسەری کێشەی بەنزین کۆکرایەوە
