ئێران لەڕێگەی شەمەندۆفێرەوە بەشێک لە نەوتەکەی هەناردە دەکات
پووختەی هەواڵەکە
- ئێران سەرەڕای بەردەوامیی گەمارۆ ئابوورییەکان و ڕێگرییەکانی ئەمریکا، بەڕێگەی جۆراوجۆر لە هەناردەکردنی نەوتەکەی بۆ وڵاتانی جیهان بەردەوامە.
- میدیای ئێران ڤیدیۆیەکی بڵاوکردووەتەوە و ئاماژە بەوە دەکات کە هێڵی شەمەندۆفێر بژاردەیەکی سەرکەوتوو بووە بۆ ڕووبەڕووبوونەوەی گەمارۆ دەریاییەکان.
- بەگوێرەی ڕاپۆرتی ئۆپێک بەرهەمهێنانی نەوت لە ئێران زیادیکردووە و بەرهەمی ڕۆژانەی گەیشتووەتە زیاتر لە 2 ملیۆن بەرمیل.
بەگوێرەی زانیاریی بەشێک لە میدیاکانی ئێران، سەرەڕای بەردەوامیی گەمارۆ ئابوورییەکان و ڕێگری لە هەناردەکردنی نەوتەکەی لەلایەن ئەمریکاوە، تاران لە هەناردەی نەوت بە هێڵی شەمەندۆفێر بەناو شاخ و کێوەکاندا بۆ وڵاتانی جیهان بەڕێگەی جۆراوجۆر بەردەوامە.
شەمەندۆفێر بژاردەیەکی سەرکەوتوو بووە بۆ فرۆشتنی نەوت
- میدیای ئێران بێ ئاماژەدان بە کات و شوێنی تۆمارکردنی ڤیدیۆکە و ئەو وڵاتەی نەوتەکەی بۆ هەناردە دەکرێت زانیارییەکانی بڵاوکردووەتەوە.
- ڕێگەی شەمەندۆفێر لەگەڵ بەردەوامیی گەمارۆ دەریاییەکان بۆسەر هەناردەی نەوت بۆ دەرەوە بە بژاردەیەکی سەرکەوتوو داندراوە.
- بڵاوبوونەوەی گرتە ڤیدیۆییەکە لەکاتێکدایە ڕۆژی 13ـی ئەم مانگە ڕێکخراوی ئۆپێک لە دوایین ڕاپۆرتیدا ڕایگەیاند بەرهەمهێنانی نەوت لە ئێران زیادیکردووە.
- سەرەڕای بەردەوامیی گرژییە سەربازییەکانی ئەمریکا و ئێران و ناجێگیریی بازاڕی وزە، بەرهەمی ڕۆژانەی نەوتی ئێران 2 ملیۆن بەرمیلی تێپەڕاندووە.
پلانی ئێران بۆ ڕازیکردنی کڕیارانی نەوتەکەی
پێشتریش وەزارەتی وزەی ئێران ڕایگەیاندبوو، بەرهەمی ڕۆژانەی نەوتیان دەگاتە 3 ملیۆن بەرمیل و لەو ژمارەیە زیاتر لە ملیۆنێک و 500 هەزار بەرمیلی هەناردە دەکەن. دوای چڕبوونەوەی سزاکان، ئێران بەمەبەستی دەربازبوون لە گەمارۆکان، ڕازیکردنی کڕیارانی نەوت بۆ قبوڵکردنی مەترسیی سزاکان و کێبڕکێ لەگەڵ نەوتی رووسیا، بە داشکاندنی زۆرەوە نەوتی بۆ چین و کڕیارانی دیکە دابین دەکرد.
زانیاریی زیاتر لەسەر بابەتەکە
چین گەورەترین کڕیاری نەوتی ئێرانە و لە هەمان کاتدا وڵاتانی مالیزیا، فەنزوێلا، هیندستان، ئەفغانستان و چەند وڵاتێکی دیکەش لە کڕیارە سەرەکییەکانی نەوتی ئەو وڵاتەن.
زانیاریی زیاتر بۆ تۆ
بلومبێرگ: 63 ملیۆن بەرمیل نەوتی ئێران لە دەریادا گیریخواردووە
تانکەر تراکەرز: هێزی دەریایی ئەمریکا بە بەهای 380 ملیۆن دۆلار نەوتی ئێرانی دەستبەسەر کردووە
2 کاتژمێر پێش ئێستا