قالیباف لە بەغداد: خوێنی ئێران و عێراق پێکەوە تێکەڵ بووە
سامیا حەسەن 2 کاتژمێر پێش ئێستا
پووختەی هەوڵەکە:
- سەرۆکی پەرلەمانی ئێران سەردانەکەی بۆ بەغداد لە مۆنۆمێنتی سولەیمانی و موهەندیسەوە دەستپێکرد.
- قالیباف هۆشداری لە دەستوەردانی دەرەکی دا و جەختی لە بەردەوامیی هاوکارییەکانی تاران و بەغداد کردەوە.
- ئێران ڕایگەیاند کە شەڕی داعش و ڕووداوەکانی ڕابردوو سەلماندیان کە تاران هێزێکی سەرەکیی ناوچەکەیە.
محەمەد باقر قالیباف سەردانەکەی بۆ عێراق بە پەیامێکی سیاسی و سیمبولی دەستپێکردووە و لە شوێنی کوژرانی قاسم سولەیمانی پەیامێکی ئاراستەی ئەمریکا کرد و ڕایگەیاند کە خوێنی ئێرانی و عێراقییەکان لە پێناو پاراستنی ناوچەکە تێکەڵ بووە و ئێستا تاران وەک هێزێکی سەربازیی پێشکەوتوو لە گۆڕەپانەکەدا ماوەتەوە.
محەمەد باقر قالیباف:
- محەمەد باقر قالیباف سەردانەکەی وەک هێمایەک بۆ مێژووی هاوبەشی هەردوو وڵات لە شوێنی کوژرانی سولەیمانی و موهەندیس دەستپێکرد.
- ناوبراو ڕایگەیاند کە داعش دەستکردی حکومەتی ئەمریکا بووە و تەنها بە ئازایەتیی فەرماندەکانی بەرەی مقاوەمە ناوچەکە لەو مەترسییە ڕزگار کراوە.
- جەختی لەوە کردەوە کە پێویستە ڕێگە لە هەر جۆرە دەستوەردانێکی دەرەکی لە پەیوەندییەکانی نێوان تاران و بەغدا بگیرێت.
- داوای لە وڵاتانی ئیسلامیی ناوچەکە کرد پەیوەندییەکان و هەماهەنگییەکان لە بوارە جیاوازەکاندا پەرەپێبدەن و زیاتر قوڵی بکەنەوە.
ئامانجە ستراتیژییەکانی سەردانەکە:
سەرۆکی پەرلەمانی ئێران ئاماژەی بە شەڕی 40 ڕۆژەی مانگی ڕەمەزان کرد وەک بەڵگەیەک بۆ هێزی ئێران لە ناوچەکەدا و ڕایگەیاند کە هیچ هێزێک ناتوانێت ڕێگری لە بەرەی مقاوەمە بکات. بڕیارە قالیباف لەگەڵ سەرۆکایەتییەکانی عێراق و سەرکردە سیاسییەکان کۆببێتەوە بۆ داڕشتنی سیستەمێکی هاوکاریی بەهێزتر کە بەرژەوەندییە هاوبەشەکان و سەقامگیریی ناوچەکە بپارێزێت.
زانیاری زیاتر بۆ تۆ
سامیا حەسەن
2 کاتژمێر پێش ئێستا