حەج و عومرەى هەرێمى کوردستان: سەرەتاى مانگى داهاتوو تیروپشک بۆ ناوى حاجییان دەکرێت
پووختەى هەواڵەکە
- لە ڕێگەى کەناڵ8وە بەڕێوەبەرایەتى گشتیی حەج و عومرە ڕوونکردنەوە لەسەر وردبینکردنى فۆڕمى حاجییان دەدات.
- بەڕێوەبەرایەتى گشتیی حەج و عومرەى هەرێمى کوردستان ڕایگەیاند، پرۆسەى وردبینى لە فۆرمى حاجییان بەردەوامە و سەرەتاى مانگى داهاتوو تیروپشک بۆ ناوەکان دەکرێت.
- حەج و عومرەى هەرێمى کوردستان: وردبینى و پشکنین بۆ سەرجەم فۆڕمەکان دەکرێت.
کاروان ستوونى، گوتەبێژى بەڕێوەبەرایەتى گشتیی حەج و عومرەى هەرێمى کوردستان بە کەناڵ8ـى ڕاگەیاند، نزیکەى 120 هەزار فۆڕم بۆ پڕۆسەى حەج پڕکراوەتەوە، وردبینیکردن بۆ فۆڕمەکان بەردەوامە، هەرکەسێک کە فۆڕمەکەى پڕکردووەتەوە سەرەتا وەڵامێکى بۆ گەڕاوەتەوە کە فۆڕمەکەى نێردراوە بۆ پشکنین، لە پاش وردبینیکردن، ئەگەر هەڵەى تێدانەبێت لە ڕێگەى کورتە نامە ئاگادار دەکرێتەوە کە فۆڕمەکەى ئامادەیە بۆ تیروپشک، بەڵام ئەگەر هەڵەى تێدابێت ئاگاداردەکرێتەوە هەڵەکان چاک بکاتەوە.
"پڕۆسەى تیروپشک پێویستى بە نیگەرانى نیە"
- پێویست بە نیگەرانى ناکات وردبینى و پشکنین بۆ سەرجەم فۆڕمەکان دەکرێت.
- پاش تەواوبوونى پرۆسەکە، هەوڵدەدرێت لە سەرەتاى مانگى داهاتوو تیروپشک بۆ ناوى حاجییان بکرێت.
- بڕیارە لە تیروپشکى ئەمساڵدا ناوى حاجییان بۆ هەردوو وەرزى حەجى 2027 و2028 ئەنجام بدرێت.
ئەوە لە کاتێکدایە، بۆ حەجى ئەمساڵ 2026، 39 هەزار حاجیى عێراقى بەشداریى فەریزەى حەجیان کرد، لەو ژمارەیەش چوار هەزار و 685 حاجییان دانیشتووى هەرێمى کوردستان بوون.
لە وەرزى حەجى ئەمساڵدا 30 حاجیی هەرێمى کوردستان لەکاتى بەجێهێنانى فەریزەى حەج گیانیانلەدەستدا، کە 29 حاجییان بە نافەرمى حەجییان کردبوو.
زانیارى زیاتر بۆ تۆ
https://channel8.com/kurdish/news/224304
3 کاتژمێر پێش ئێستا