پوختەى هەواڵ

• حەج و عومرەى هەرێمى کوردستان: دەنگۆى ڕەتکردنەوەى ناوى ئەو کەسانە ڕەتدەکاتەوە، کە پاسپۆرتەکانیان بەسەرچووە
• کاروان ستوونى: زیاتر لە 80  هەزار کەس ناوى خۆیان تۆمارکردووە.
• کاروان ستوونى: ئەو کەسانەى پاسپۆرتەکانیان بەسەرچووە و خۆیان تۆمارکردووە هیچ کێشەیەکیان نابێت
• کاروان ستوونى: لەگەڵ گەڕانەوەى ناوەکانیان پێویستە پاسپۆرتەکانیان نوێ بکەنەوە
• کاروان ستوونى: لە ڕێگەى نووسینگەکانى خۆیانەوە پاسپۆرتى نوێ پێشکەش بکەن.

---

کاروان ستوونى، گوتەبێژى حەج و عومرەى هەرێمى کوردستان، لە ڕاگەیێنراوێکدا ئاشکرایکرد، بۆ ئەمساڵ مەرجى تەمەن هەڵگیراوە و ئەو کەسانەى تەمەنیان لە سەروو 70 ساڵییەوەیە، دەتوانن بەبێ هیچ کێشەیەک خۆیان تۆمار بکەن و بەساڵاچووانیش چانسى زیاتریان پێدەدرێت.

---

80.000 کەس فۆڕمیان پڕکردووەتەوە

جەختى لەوەشکردەوە، تاوەکو ئێستا زیاتر لە 80 هەزار کەس فۆڕمەکەیان پڕکردووەتەوە و تاوەکو ڕۆژى 10ـى ئاب پڕۆسەى خۆتۆمارکردن بەردەوام دەبێت.

ڕاگەیاندنى ناوەکان

بڕیارە لە پاش کۆتاییهاتنى پڕۆسەى خۆتۆمارکردن، بەشێوەى تیروپشک ناوى ئەو کەسانە ڕابگەیێنرێت کە دەیانەوێت لە هەردوو وەرزى حەجى 2027 و 2028، فەریزەى حەج ئەنجام بدەن، بە گوتەى کاروان ستوونى، لە ڕۆژى تیروپشکەکەدا ناوى یەدەگەکانیش ئاشکرا دەکرێت.

زانیارى زیاتر بۆتۆ

https://channel8.com/kurdish/news/219340

https://channel8.com/kurdish/news/70916

https://channel8.com/kurdish/news/69171

https://channel8.com/kurdish/news/65233